நேற்று போலீஸ் ஸ்டேஷன்...இன்று கஃபே..!

சிரபுஞ்சி என்றதும் மழை தான் நம் எல்லோர் மனங்களிலும் நிழலாடும்.

- ஹரிகுகன்

ஏனெனில், இந்தியாவில் அதிக மழை பெய்யும் ஊர் அது. ஆனால், இப்போது ஒரு உணவகத்தால் சிரபுஞ்சி கவனம் பெற்றுள்ளது.

ஆம். அதன்பெயர், 'சொஹ்ரா 1885'.

'சொஹ்ரா' என்பது சிரபுஞ்சியின் தற்போதைய அதிகாரபூர்வ பெயர். 2007ம் ஆண்டு இந்தப் பெயர் மாற்றம் நடந்தது. அது தனிக்கதை. சரி, அதென்ன 1885? இதுதான் இந்தக் கஃபேயின் வரலாற்றைச் சொல்லும் முக்கியமான அம்சம். இந்தக் கஃபே இருக்கும் கட்டடம் 1885ம் ஆண்டு நிறுவப்பட்டது. அப்போதைய ஆங்கிலேயர் ஆட்சியில் உருவான இந்தக் கட்டடம் ஒரு பயங்கரமான தடுப்புக் காவல் மையமாக செயல்பட்டுள்ளது. இங்கே குற்றவாளிகள் சிறை வைக்கப்பட்டு கடுமையாக நடத்தப்பட்டுள்ளனர்.

பின்னர் இந்தக் கட்டடம் போலீஸ் ஸ்டேஷனாக மாறியது. இப்போது கஃபேயாக காட்சியளிக்கிறது. 140 ஆண்டு கள்பழமை வாய்ந்த இந்தக் கட்டடம் மேகாலயா மாநிலத்திலேயே மிகவும் பழமையான ஒன்று.