பலூசிஸ்தான்!

சமீபத்தில் இந்தியாவுக்கும் பாகிஸ்தானுக்கும் இடையில் நடந்த போர் நாட்டையே உலுக்கியது. உலகம் முழுவதும் முக்கியச் செய்தியாக போருக்கு நாலாப் பக்கமிருந்தும் எதிர்ப்புகளும் கிளம்பின.

- த.சக்திவேல்

அமெரிக் காவின் தலையீட்டால் போர் நிறுத்தப்பட்டது. இதற்கிடையில் பலூ சிஸ்தான் முக்கிய பேசு பொருளாகவும், டிரெண்டாகவும் மாறியுள்ளது.

பாகிஸ்தானின் மிகப்பெரிய மாநிலமாக இருந்தது, பலூசிஸ்தான். ஈரானின் மேற்குப் பகுதியிலும், ஆப்கானிஸ்தானின் வட மேற்குப் பகுதியிலும், பாகிஸ்தானின் வடக்கு மற்றும் கிழக்குப் பகுதியிலும் பரவியிருக்கும் ஒரு பெரும் நிலப்பகுதி இது. அதனால் இதனை ஆப்கன் பலூசிஸ்தான், பாகிஸ்தானி பலூசிஸ்தான், ஈரானின் பலூசிஸ்தான் என்று மூன்று விதமாக அழைக்கின்றனர்.

பல வருடங்களாக தனி நாடு வேண்டி பலூசிஸ்தான் மக்கள் போராடி வரு கின்றனர். இந்தியா - பாகிஸ்தான் போர் அதற்கு உதவி செய்திருக்கிறது.

ஆம்; சமீபத்தில் நடந்த போர் காலத் தில் பலூசிஸ்தானின் எழுத்தாளரும், போராளியுமான மிர் யார் பலூச் என்பவர், பலூசிஸ்தானைத் தனி நாடாக அறிவித்தார்.

மட்டுமல்ல, “நாங்கள் பாகிஸ்தானி யர்கள் அல்ல; பலூசிஸ்தானியர்கள்...” என்று அறைகூவலும் விடுத்தார்.

இந்தச் சம்பவம்தான் பலூசிஸ்தான் முக்கிய பேசுபொருளாக காரணம்.

மட்டுமல்ல, ஆங்கிலம், இந்தி மற்றும் பலூச் மொழியை அலுவலக மொழியாகவும் அறிவித்தார். அதனால் இதன் வரலாறும் வைரலாகி வருகிறது.

உலகில் மனித நாகரீகம் தோன்றிய போது, அதன் மையப் பகுதியாக இப்போதிருக்கும் பலூசிஸ்தான் இருந்ததாக வரலாற் றுத் தகவல்கள் சொல்கின்றன.

அங்கே கி.மு 7000த்திலேயே மனிதர்கள் வாழ்ந்ததற்கான தடயங்கள் கிடைத்தி ருக்கின்றன. இதுபோக கி.மு 2500களில் சிந்து சம வெளி நாகரீகத்தின் ஒரு பகுதியாகவும் பலூசிஸ்தான் இருந்திருக்கிறது.

ஆரம்ப நாட்களில் திராவிட மொழி பேசும் ப்ராஹீ இன மக்கள் மட்டுமே பலூசிஸ்தானில் வசித்து வந்திருக்கின்றனர். இவர்கள் இந்து மற்றும் புத்த மதத் தைப் பின்பற்றுபவர்கள் என்பது குறிப்பிடத் தக்கது.

இப்போது பலூச் இன மக்கள்தான் அங்கே அதிகமாக வசித்து வருகின்றனர். தவிர, ப்ராஹீ, பாஸ்தன்ஸ், ஹசாராஸ், ஜட்கல்ஸ், சிந்திஸ், டாஜிக்ஸ், சிஸ் டானிஸ், பெர்சியன்ஸ், கேத்ரன்ஸ் ஆகிய இனங்களும் பலூசிஸ்தானில் வசிக்கின்றனர்.

இன்றைய பலூசிஸ் தானில் பலூச்சி மொழி பேசுபவர்கள் பெரும்பான்மையானவர் களாக இருந்தாலும், ப்ராஹு, ஜட்கலி, பெர்சியன், சிந்தி, உருது, கேத்ரானி, பாஸ்டோ மொழிகளைப் பேசுபவர்களும் அங்கே கணிசமாக வாழ்ந்து வருகின்றனர்.