லாஸ் ஏஞ்சல்ஸ்...Heavy Loss ஏஞ்சல்ஸ்...

அமெரிக்காவின் இரண் 1டாவது பெரிய நகரமான லாஸ் ஏஞ்சல்ஸ் நகரம் புத் தாண்டு முடிந்து ஒருவாரத்தில் பெரியதொரு இழப்பை சந்தித் திருக்கிறது.

- டி.ரஞ்சித்

இன்னும் எரிந்துகொண்டிருக்கும் லாஸ் ஏஞ்சல்ஸ் காட்டுத் தீயில் இதுவரை 24 பேர் உயிரை இழந்திருக்கிறார்கள். சராசரியாக 161 கிமீ வேகத்தில் வீசிய சூறாவளிக் காற்று அனலை கக்கிக் கொண்டு வீசியதில் காடுகள் பற்றிக் கொண்டு சுமார் 12 ஆயிரத்துக்கும் மேற்பட்ட பெரியதும் சிறியதுமான கட்டடங்களை துவம்சம் செய்திருக்கிறது.

சுமார் 23 ஆயிரத்தி 37 ஏக்கர் காடுகளாவது அழிக்கப்பட்டிருக்கலாம் என்று கணக்கிட்டிருக்கிறார்கள். லாஸ் ஏஞ்சல்ஸ் நகரத்தில் வாழ்ந்த சுமார் ஒரு லட்சத்து 80ஆயிரம் மக்களாவது அந்த நகரத்தை விட்டு பாதுகாப்புக் கருதி வெளியேற்றப்பட்டிருக்கிறார்கள்.

அமெரிக்காவில் மொத்தம் 50 மாகாணங்கள் உள்ளன. இவற்றில் கலிஃபோர்னியா மாகாணம் தனித்துவமானது. இந்த மாகாணத்தின் ஓர் ஆண்டின் Gross State Product (GSP) $4.1 டிரில்லியன் டாலர் ஆகும்.‌ மொத்த இந்தியாவின் ஓராண்டு மொத்த GSP $4.27 டிரில்லியன் டாலர்தான்.க

லிஃபோர்னியா, பசிபிக் கரை ஓரத்தில் வடக்கிலிருந்து தெற்காக நீள்வாக்கில் அமைந்துள்ளது. இந்த மாகாணத்தின் கடற்கரை ஓரத்தில்தான் அனைத்து புகழ் பெற்ற நகரங்களும் உள்ளன. இந்த மாகாணத்தின் மத்தியப் பகுதியில் அமைந்துள்ளதுதான் லாஸ் ஏஞ்சல்ஸ்.

தெற்கே மெக்சிகோ எல்லை உள்ளது. இங்குதான் சாண்டியாகோ உள்ளது. இங்கு உலகப் புகழ் பெற்ற கடல் உலகம் (Sea World) உள்ளது.

நாம் குரங்கு மற்றும் கிளிகளைப் பழக்கி வித்தை காட்டுவது போல் கடல் உலகத்தில் திமிங்கிலம் மற்றும் டால்பின்களைப் பழக்கி வித்தை காட்டுகின்றனர்.

அமெரிக்காவின் கலிஃபோர்னியா மாகாணமும், அதன் மிக முக்கியமான நகரமான லாஸ் ஏஞ்சல்சும் ஏற்கனவே பல காட்டுத் தீக்களை அனுபவித்திருந்தாலும் இந்த முறை ஏற்பட்ட அழிவை அமெரிக்க மக்கள் சொந்தக் காசில் சூனியம் வைத்த நிகழ்வாக பல சுற்றுச்சூழல்வாதிகள் கருதுகிறார்கள்.

சென்னை பூவுலகின் நண்பர்கள் சூழலியல் குழுவைச் சேர்ந்த நிர்வாகிகளில் ஒருவரான வெற்றிச்செல்வனிடம் பேசினோம்.