1.11 லட்சம் ஏக்கரில் விவசாயம் செய்யும் ஆப்பிரிக்க இளைஞர்!

ஒவ்வொரு வருடமும் நைஜீரிய மக்கள் 70 லட்சம் டன்னுக்கும் 'அதிகமான அரிசியை நுகர்கின்றனர். இதில் பெரும்பகுதியை இறக்குமதி செய்யவேண்டிய சூழல்தான் ஒரு காலத்தில் நிலவியது. ஆனால், இன்று இறக்குமதியின் அளவு வெகுவாகக் குறைந்திருக்கிறது. காரணம், கடந்த இருபது வருடங்களில் அங்கே உருவான மாபெரும் அரிசி விவசாயிகள்.

- த.சக்திவேல்

இந்த விவசாயிகளில் குறிப்பிடத்தக்கவர் ரோட்டிமி வில்லியம்ஸ். நைஜீரியாவின் மிகப்பெரிய விவசாயப் பண்ணைகளில் ஒன்றான ‘கரக்சுக் அரிசிப் பண்ணை’யின் நிறுவனர் இவர். நைஜீரியாவின் அரிசித் தேவையில் பத்து சதவீதத்தைப் பூர்த்தி செய்கிறது இவரது பண்ணை.

நைஜீரியாவில் உள்ள லாகோஸ் நகரில் எண்பதுகளின் ஆரம்பத்தில் பிறந்தார். ரோட்டிமி வில்லியம்ஸ். பள்ளிப் படிப்பை லாகோஸ் நகரிலுள்ள கிங்ஸ் கல்லூரியில் முடித்தார்.

பிறகு ஸ்காட்லாந்தில் உள்ள அபர்டீன் பல்கலைக்கழகத்தில் பொருளாதாரப் பாடத்தில் பட்டம் பெற்றார் ரோட்டிமி. மட்டு மல்ல, லண்டனில் உள்ள ஒரு பல்கலைக்கழகத்தில் நிதி மற்றும் வளர்ச்சித்துறையில் முதுகலைப்பட்டத்தையும் தன்வசமாக்கினார்.