મૂલ્યો શીખવતી જીવનયાત્રા “પ્રવાસ”

બહારના પ્રવાસની એક મંજિલ હોય, પણ ભીતરનો પ્રવાસ અનંત હોય. પ્રવાસ ની આ પરાકાષ્ટા ને સમજાવતી, માંડ માંડ બે છેડાઓ ભેગા કરી ને જીવનનિર્વાહ ચલાવતા પરિવાર ની આપવીતી કહેતી અને વિદ્યાર્થીઓ / બાળકો ને પૈસા નું મૂલ્ય સમજાવતી વાર્તા એટલે 'પ્રવાસ'.

- 

દેશ વિદેશો માંથી 70 કરતા પણ વધારે પુરસ્કારો, એવોર્ડ્સ અને પ્રમાણપત્રો મેળવી ને માન્યતા પ્રાપ્ત કરનારી આ ગુજરાતી ફિલ્મ ખરેખર જોવા અને સમજવા જેવી છે. હા જય પંડ્યા દ્વારા પ્રસ્તુત અને અભિનીત આ ફિલ્મ રાષ્ટ્રીય તથા આંતરરાષ્ટ્રીય ખ્યાતિ અને નામના મેળવી ચૂકેલ છે સાથે જ ઘણા બધા ફિલ્મ ફેસ્ટિવલ્સ માં સ્ક્રીનીંગ પામેલ છે. આ ફિલ્મ પ્રેક્ષકો ને એક એવા પ્રવાસ ની સફરે લઇ જાય છે કે જે દરેક ના હૃદય અને અંતરમન ને સ્પર્શી જશે. દર્શકો ની લાગણીઓ ના તાર ને છેડી ને પ્રવાસ ના સૂર વહેવડાવતી આ ફિલ્મ ખરેખર હૃદયસ્પર્શી અને વિચારપ્રેરક છે.