ശാസ്ത്രലോകത്തെ ഗ്ലാമർ താരം ഹെഡി ലമാർ

പ്രചോദനത്തിന്റെ ജീവിതവഴികൾ

- അശ്വിൻ നായർ

അനേകം പ്രതിഭാധനരുടെ സം ഭാവനകളാണ് സാ ശാസ്ത്രമേഖലയെ നാം ഇന്നു കാണുന്നത് സമ്പന്നമാക്കിയത്. ലോകത്തിന്റെയും നമ്മുടെ ജീവി തത്തിന്റെയും തന്നെ മാറ്റങ്ങൾക്കു വഴിയൊരുക്കിയത് ശാസ്ത്ര സാങ്കേതികവിദ്യയുടെയും കുതിച്ചുചാട്ടമാണ്. എന്നാൽ ആ വിപ്ലവത്തിൽ അറിയപ്പെടാത്ത ചിലർ കൂടിയുണ്ടായിരുന്നു. അത്തരമൊരു ശാസ്ത്ര പ്രതിഭയായിരുന്നു ഹെഡി ലമാർ.

ശാസ്ത്രജ്ഞ എന്നതിനപ്പുറം ഒരു ഹോളിവുഡ് താരമായാണ് ലമാർ അറിയപ്പെട്ടത്. ഇന്നത്തെ ഏറെ ജനകീയ സാങ്കേതികവിദ്യകളായ വൈഫൈ, ജിപിഎസ് തുടങ്ങിയവയുടെ മൂലരൂപത്തിന് ഈ ഹോളിവുഡ് താരമാണ് തുടക്കമിട്ടതെന്നു പറഞ്ഞാൽ വിശ്വസിക്കാൻ സാധിക്കുമോ?

1914ൽ ഓസ്ട്രിയയിലെ വിയന്നയിലാണു ഹെഡി ലമാർ ജനിച്ചത്. സമ്പത്തും സ്വാധീനവുമുള്ള ഒരു ജൂതകുടുംബത്തിലായിരുന്നു ജനനം. പിതാവും ഒരു ബാങ്കിന്റെ ഡയറക്ടറുമായ എമിൽ കീർ സാങ്കേതികവിദ്യയിലുള്ള ഹെഡിയുടെ താൽപര്യത്തെ എന്നും പിന്തുണച്ചിരുന്നു. യന്ത്രങ്ങളുടെ പ്രവർത്തനരീതിയെക്കുറിച്ചു മകൾക്കു പറഞ്ഞു കൊടുക്കാൻ കീസർക്കു വലിയ താൽപര്യമായിരുന്നു. അമ്മയും പിയാനോ വിദഗ്ധയുമായ ജെർ ട്രേഡ് കലയുടെ ലോകത്തേക്കും അവരെ കൈപിടിച്ചുയർത്തി. കുട്ടിക്കാലത്ത് ഒരേസമയം ശാസ്ത്രത്തിലും കലാരംഗത്തും ലഭിച്ച പരി ശീലനം തുടർന്നുള്ള ജീവിതത്തി ലും ഹെഡിക്കു മുതൽക്കൂട്ടായി. 10 വയസ്സായപ്പോഴേക്കും ഹെഡി 4 ഭാഷകളിലും പ്രാവീണ്യം നേടിക്കഴി ഞ്ഞിരുന്നു.