കാസറഗോട്ടെ സുരങ്ക

ശരിയായ പരിപാലനവും നവീകരണവും ലഭിച്ചാൽ സുരങ്കകൾ എന്ന ഈ തുരങ്കങ്ങൾ ഭാവിയിലും സുസ്ഥിരമായ ജല മാനേജെന്റിനുള്ള വിലപ്പെട്ട പൈതൃക മാർഗ്ഗമായി തുടർന്നേക്കാം

- തന്മയ ഗോപകുമാർ, 8 ഇ, GVHSS കാറഡുക്ക, കാസർഗോഡ്.

നമ്മുടെ കാസർഗോഡും കർണാടകയിലെ ദക്ഷിണ കന്നടയിലും ഉപയോഗിക്കുന്ന ഒരു പരമ്പരാഗത ഭൂഗർഭ ജലസംഭരണ സംവിധാനമാണ് സുരങ്ക അഥവാ തുരങ്കം.

കുന്നിന്റെ ചെരിവിൽ ഭൂമിക്കടിയിലേക്ക് തിരശ്ചീനമായി തുരങ്കം ഉണ്ടാക്കി ഭൂഗർഭജലം ശേഖരിക്കുന്ന രീതിയാണിത്. കാസർഗോഡ് ജില്ലയിൽ ഇത്തരം ധാരാളം തുരങ്കങ്ങൾ ഉണ്ടാകാൻ പ്രധാന കാരണം ഭൂമിശാസ്ത്രപരമായ പ്രത്യേകതകളും അതുവഴി ഉണ്ടാകുന്ന ജലലഭ്യതയിലെ വെല്ലുവിളികളുമാണ്.

മഴക്കാലത്ത് ധാരാളം വെള്ളം ലഭിക്കുമെങ്കിലും ലാറ്ററൈറ്റ് മണ്ണ് കാരണം ഉപരിതലത്തിലെ ജലം പെട്ടെന്ന് ഒഴുകിപ്പോവുകയും തുടർന്നുള്ള വേനൽ മാസങ്ങളിൽ കടുത്ത ജലക്ഷാമം അനുഭവപ്പെടുകയും ചെയ്യുന്നു. കർണാടകയിലെ ചില പ്രദേശങ്ങളിൽ ഇതിനെ മാഗൻ ഗുണ്ടി' എന്നാണ് വിളിക്കുന്നത്.

ശരിയായ രീതിയിൽ നിർമ്മിച്ചാൽ വർഷം മുഴുവൻ ശുദ്ധമായ ജലം ഈ സുരങ്കകളിൽ നിന്ന് ലഭിക്കും.