കേരളത്തിന്റെ നാളികേര പ്രതിസന്ധി: ജീവവൃക്ഷത്തിൽ നിന്ന് സാമ്പത്തിക വെല്ലവിളിയിലേക്ക്

വർദ്ധിച്ചുവരുന്ന ആവശ്യകതയുടെ പശ്ചാത്തലത്തിൽ കേരളത്തി ന്റെ സമ്പത്ത് കുറയുന്നതിന്റെ വിരോധാഭാസം കൂടുതൽ വ്യക്തമാകും. 2023 ൽ ഇന്ത്യയുടെ തേങ്ങയ്ക്കും കൊപ്രയ്ക്കും ഉള്ള ആവശ്യം 11.74 ദശലക്ഷം മെട്രിക് ടണ്ണിലെത്തിയെന്ന് പഠനങ്ങൾ സൂചിപ്പിക്കുന്നു, 2028 വരെ 0.39% എന്ന സംയുക്ത വാർഷിക വളർച്ചാ നിരക്കിൽ സ്ഥിരമായ വളർച്ചയാണ് പ്രവചനങ്ങൾ വെളിവാക്കുന്നത്.

- വി.പി. നന്ദകുമാർ MD & CEO മണപ്പുറം ഫിനാൻസ് ലിമിറ്റഡ്.

വില കുതിച്ചുയരുകയും ഉൽപാദനം കുറയുകയും ചെയ്തതോടെ, ഒരു കാലത്ത് ഇന്ത്യയുടെ നാളികേര സമ്പദ്വ്യവസ്ഥയിൽ ആധിപത്യം സ്ഥാപിച്ചിരുന്ന സംസ്ഥാനം നഷ്ടത്തിലേക്ക് നീങ്ങുന്നു. ഇന്ത്യൻ പാരമ്പര്യത്തിൽ "കൽപ്പവൃക്ഷം" അല്ലെങ്കിൽ ജീവവൃക്ഷം എന്ന് ആദരിക്കപ്പെടുന്ന തെങ്ങ്, വളരെക്കാലമായി ഒരു കാർഷിക വിളയേക്കാൾ മുകളിലാണ്. ഇത് ദക്ഷിണേന്ത്യയിലുടനീളമുള്ള ദശല ക്ഷക്കണക്കിന് ആളുകളുടെ സാമ്പത്തിക ജീവനാഡിയെ പ്രതിനിധീകരിക്കുന്നു. എന്നിരുന്നാലും, സംസ്ഥാനത്തിന്റെ സാംസ്കാരിക, പാചക, ഭക്ഷണസ്വത്വത്തിന്റെ അവിഭാജ്യഘടകമായ തേങ്ങ കേരളത്തിന്, സമീപമാസങ്ങൾ അനുകൂലമല്ലാത്ത വാർത്തകളാണ് കൊണ്ടുവന്നത്. നാളികേരത്തിന്റെയും വെളിച്ചെണ്ണയുടെയും വിലകൾ അവിശ്വസനീയമായി കുതിച്ചുയർന്നു, ഇത് ഒരു അസ്വസ്ഥമായ വിരോധാഭാസത്തെ എടുത്തു കാണിക്കുന്നു. നാളികേര ഉൽപ്പന്നങ്ങൾക്കുള്ള ആഗോളാവശ്യം വർദ്ധിച്ചു കൊണ്ടിരിക്കുമ്പോൾ, ഒരുകാലത്ത് ഇന്ത്യയുടെ നാളികേരവ്യവസായത്തിന്റെ പര്യായമായിരുന്ന സംസ്ഥാനം അതിന്റെ ആധിപത്യം നിരന്തരം നഷ്ടപ്പെട്ടു കൊണ്ടിരിക്കുന്നു.

മാറിക്കൊണ്ടിരിക്കുന്ന ഭൂപ്രകൃതി

ലോകത്തിലെ ഏറ്റവും വലിയ നാളികേരോല്പ്പാദകരിൽ ഒന്നായി ഇന്ത്യ, ആഗോള ഉൽപാദനത്തിന്റെ 30% ത്തിലധികം സംഭാവന ചെയ്യുകയും ഉപഭോഗത്തിൽ മൂന്നാം സ്ഥാനത്താണ്. എന്നിരുന്നാലും, രാജ്യത്തുടനീളമുള്ള ഉൽപാദന വിതരണങ്ങൾ നാടകീയമായ മാറ്റത്തിന്റെ കഥ പറയുന്നു. 1970 കളുടെ തുടക്കത്തിൽ, ഇന്ത്യയുടെ നാളികേരോൽപാദനത്തിന്റെ 65% വിഹിതം കേരളത്തിനായിരുന്നു. 2019-20 ആയപ്പോഴേക്കും ഈ കണക്ക് ഏകദേശം 38% ആയി കുറഞ്ഞു. 2022-23 ലെ ഏറ്റവും പുതിയ കണക്കുകൾ പ്രകാരം കേരളം കർണ്ണാടകയ്ക്കും തമിഴ്നാടിനും പിന്നിൽ മൂന്നാം സ്ഥാനത്തേക്ക് പിന്തള്ളപ്പെട്ടു.

ഈ മാറ്റം വെറും സ്ഥിതിവിവരക്കണക്കുകൾ മാത്രമല്ല - ഇത് ഇന്ത്യയുടെ നാളികേര സമ്പദ്വ്യവസ്ഥയിലെ അടിസ്ഥാനപരമായ പരിവർത്തനത്തെ സൂചിപ്പിക്കുന്നു, സംസ്ഥാനത്തിന് വിളയുടെ ആഴത്തിലുള്ള സാംസ്കാരിക പ്രാധാന്യം ഉണ്ടായിരുന്നിട്ടും കേരളത്തിന്റെ ചരിത്ര പരമായ നേട്ടം ഇല്ലാതാകുന്നു.

വർദ്ധിച്ചുവരുന്ന ആവശ്യകത, പരിമിതമായ വിതരണം