കഠിന കാലത്തിനപ്പുറം ഒരു നല്ല കാലമുണ്ട്

അഫ്ര എഞ്ചിനീയേഴ്സ് : സോളാറിൽ ക്ലിക്കായ സംരംഭം

- 

2015 : ആദ്യ ജോലി

എറണാകുളം പിറവത്തെ വിസാറ്റ് എഞ്ചിനീയറിങ് കോളേജിൽ നിന്ന് ബിടെക്ക് മെക്കാനിക്കൽ എഞ്ചിനീയറിങ്ങ് പൂർത്തിയാക്കിയ രണ്ട് ചെറുപ്പക്കാർ മുംബൈയിലെ ഒരു സോളാർ മാനുഫാക്ചറിങ് കമ്പനിയിൽ ജോലിയ്ക്ക് കയറുന്നു. ഇടുക്കി അടിമാലി സ്വദേശികളായ മനീഷ് എം ജയനും, ഷിഹാബുദ്ദീൻ കെ.കെയും. രണ്ടു പേരും സഹപാഠികൾ, സുഹൃത്തുക്കൾ. കിട്ടുന്ന മാസ ശമ്പളത്തിൽ നിന്ന് ഭക്ഷണം, താമസം, യാത്ര എന്നിവയ്ക്കുള്ള പണം കൂട്ടിക്കിഴിക്കുമ്പോൾ നീക്കിയിരിപ്പുകളില്ലാതെ ജീവിതം മുന്നോട്ടു കൊണ്ടു പോകേണ്ട സാഹചര്യം. ആദ്യ ജോലിയെന്ന കൗതുകം ജീവിതത്തിന്റെ പരുക്കൻ യാഥാർത്ഥ്യങ്ങളിൽ തട്ടി നിന്നതോടെ, ഇരുവരും ജോലി വിട്ട് തിരിച്ച് നാട്ടിലേക്ക് വണ്ടി കയറുന്നു.

2016: റീസ്റ്റാർട്ട്

മനീഷും, ഷിഹാബും കൊച്ചിയിലെ പ്രമുഖ സോളാർ കമ്പനിയിൽ പുതിയ ജോലിക്ക് കയറുന്നു. സെയിൽസ്, പ്രൊജക്ട് കോർഡിനേഷൻ ഡിപ്പാർട്ട്മെന്റുകളിൽ രാപകലില്ലാത്ത അധ്വാനം. ഒരു വർഷം തികഞ്ഞപ്പോൾ, മാസശമ്പളമായ 12,000ത്തിനൊപ്പം രണ്ടായിരം രൂപയുടെ ശമ്പള വർധന ആവശ്യപ്പെട്ടെങ്കിലും നൽകാൻ മാനേജ്മെന്റ് ഒരുക്കമായിരുന്നില്ല. തോൽക്കാൻ തയ്യാറല്ലായിരുന്നു ഇരുവരും. സിരകളിലോടുന്നത് പ്രകൃതിയോടും, വന്യമൃ ങ്ങളോടും മല്ലിട്ടു ജീവിക്കുന്ന ഇടുക്കിക്കാരുടെ രക്തം. സ്വന്തം കഴിവിൽ ആത്മവിശ്വാസമുണ്ടായിരുന്ന ഇരുവരും കൂടുതൽ ആലോചിച്ചില്ല. കമ്പനി വിട്ടിറങ്ങി.

2018 : പിച്ചവെച്ചു തുടങ്ങിയ സ്വപ്നം