ബ്ലിറ്റ്സ് അക്കാദമി

സ്കിൽ ഡെവലപ്മെന്റ് ട്രെയിനിങ്ങിലെ നമ്പർ വൺ സംരംഭം

- 

തൊഴിൽ മേഖലയിലെ മാറ്റങ്ങൾ തിരിച്ചറിഞ്ഞ്, അതിനൊപ്പം സഞ്ചരിച്ച് ഉയരങ്ങൾ കീഴടക്കിയ സംരംഭം. ദൃഢനിശ്ചയത്തിന്റേയും, അനുഭവ സമ്പത്തിന്റേയും കരുത്തിൽ ദമ്പതികളായ ഫസൽ റഹിമാനും, നീന ആസാദും നെയ്തെടുത്ത സംരംഭക സ്വപ്നം. ബ്ലിറ്റ്സ് അക്കാദമി. 2011ൽ 10,000 രൂപ വാടകയോടെ എറണാകുളം നോർത്തിൽ ആദ്യ ഓഫീസ് തുറക്കുമ്പോൾ ചങ്ങനാശ്ശേരിക്കാരനായ ഫസലിനും, കൊല്ലംകാരി നീനയ്ക്കും ആത്മവിശ്വാസം മാത്രം കൈമുതൽ. ഇന്ന് 15,000ത്തോളം വിദ്യാർത്ഥികളുമായി കോടികളുടെ വിറ്റവരവിലെത്തി നിൽക്കുമ്പോഴും കടന്നു വന്ന കനൽ വഴികളെല്ലാം ഒരു ചിത്രം പോലെ തെളിഞ്ഞു കിടപ്പുണ്ട് ഫസലിന്റേയും, നീനയുടേയും മനസ്സിൽ.

ജീവിതമെറിഞ്ഞു തന്ന ട്വിസ്റ്റ്