തീയിൽ കുരുത്ത പെണ്ണ്

വധഭീഷണി വന്നിട്ടും സ്വന്തം കുടുംബം വരെ തകർന്നിട്ടും താനുൾപ്പെടെയുള്ള ആദിവാസി സമൂഹത്തിനായി ചിത്ര പോരാടുന്നു

- ശ്യാമ

അവർ അവളെ മാവോയിസ്റ്റ് എന്ന് മുദ്ര കുത്താൻ നോക്കി, മാനത്തിനും അന്തസ്സിനും വില പറയാൻ നോക്കി, ദാമ്പത്യം തകർത്തു. സ്വന്തം ആളുകളെ അവൾക്കെതിരെ തിരിച്ചു, “നീ വെറും പെണ്ണാണ്' എന്ന് ഇടയ്ക്കിടെ ഓർമിപ്പിച്ചു. പക്ഷേ, അവൾ തീ പോലെ ആളിക്കത്തി. ആ ചൂടിൽ പലതും ഉടച്ചു വാർത്ത് അവൾ മുന്നേറിക്കൊണ്ടിരുന്നു.