நேபாள நாடாளுமன்றக் கலைப்பு செல்லாது: உச்சநீதிமன்றம் தீர்ப்பு

காத்மாண்டு, பிப். 23: நேபாளத்தில் நாடாளுமன்றக் கீழவையைக் கலைக்கும் பிரதமர் கே.பி. சர்மா ஓலி அரசின் நடவடிக்கை அரசியல் சாசனத்துக்கு விரோதமானது என்று அந்த நாட்டு உச்சநீதிமன்றம் செவ்வாய்க்கிழமை தீர்ப்பளித்தது.

இதுகுறித்து பிடிஐ செய்தி நிறுவனம் தெரிவித்துள்ளதாவது:

நாடாளுமன்றக் கீழவையான பிரதிநிதிகள் சபை கலைக்கப்பட்டதற்கு எதிரான முறையீட்டு மனுக்கள் மீது உச்சநீதிமன்ற தலைமை நீதிபதி சோளேந்திர ஷம்ஷேர் தலைமையில் 5 நீதிபதிகள் கொண்ட அமர்வு ஜனவரி 17-ஆம் தேதி முதல் பிப். 19-ஆம் தேதி வரை விசாரணை மேற்கொண்டது.