അംബേദ്കർ സിനിമയുടെ രാഷ്ട്രീയം

ഡോ. അംബേദ്കറിന്റെ ആശയങ്ങളും സാന്നിധ്യങ്ങളും മുഖ്യധാരയുടെ പരിഗണനകളിൽ പ്രത്യക്ഷമാകുമ്പോഴും പ്രായോഗികമായ അർത്ഥത്തിൽ ആഘോഷപരതയ്ക്ക് അപ്പുറത്തുള്ള ഇന്ത്യയുടെ മനസ്സിനെ ഗൗരവമായി പരിശോധിക്കേണ്ടതുണ്ട്. മമ്മൂട്ടിയുടെ താരപരിവേഷവും സാമൂഹികവും രാഷ്ട്രീയവുമായ പ്രാധാന്യവുമുണ്ടായിട്ടുപോലും എന്തുകൊണ്ടാണ് അംബേദ്കർ സിനിമ പൊതുസമൂഹത്തിൽ ഒരു അനിവാര്യമായ ചർച്ചയോ പ്രദർശനമോ ആയില്ലായെന്നത് ഈ അർത്ഥത്തിലാണ് പരിശോധിക്കപ്പെടേണ്ടത്.

- 

മലയാളത്തിന്റെ മഹാനടൻ എന്ന് വിശേഷിപ്പിക്കപ്പെടുന്ന മമ്മൂട്ടിയുടെ എഴുപതാം പിറന്നാൾ മാധ്യമങ്ങൾ ആഘോഷിച്ചപ്പോൾ ചിലരെങ്കിലും അദ്ദേഹത്തിന്റെ കരിയറിലെ ഏറ്റവും മികച്ച വേഷങ്ങളിൽ ഒന്നായി ജബ്ബാർ പട്ടേൽ സംവിധാനം ചെയ്ത 'ഡോ. ബാബാ സാഹേബ് അംബേദ്കറി'ലെ മുഖ്യകഥാപാത്രത്തെ ചൂണ്ടിക്കാണിച്ചിരുന്നു. ഇരു പതുവർഷം പിന്നിട്ടിട്ടും തിയേറ്റ