આ સરખામણી તદ્દન ગેરવાજબી છે!

અનેક ધર્મ અત્યારે પોતપોતાની સર્વોપરિતા પુરવાર કરવામાં પડ્યા છે અને રાજકારણીઓ એમાં જાણે-અજાણે હાથા બની રહ્યા છે. આવી હલકી પ્રવૃત્તિ અને પ્રસિદ્ધિમાં રાચવાને બદલે સલમાન ખુરશીદ જેવા આગેવાનો દેશ અથવા તો કમ સે કમ એમના સમાજ સામેના પ્રશ્નો ઉકેલવાની દિશામાં કામ કરે એ વધુ જરૂરી છે.

શાંત પાણીમાં કાંકરા નાખવાની ઘણાને આદત હોય છે. કોંગ્રેસી નેતા સલમાન ખુરશીદ આમ તો એ શ્રેણીમાં આવતા નથી. એમની છાપ એક ઠરેલ આગેવાન તરીકેની છે. જો કે હમણાં એમણે નાહકનો એક વિવાદ છેડ્યો છે.