ചൈനയുടെ വൻമതിൽ തകർക്കുമോ ഗുകേഷ്?

കളിക്കളം

-  എൻ.എസ്. വിജയകുമാർ

ദൊമ്മരാജു ഗുകേഷ്, കാനഡയിലെ ടൊറന്റോവിലെ ഗ്രേറ്റ് ഹാളിൽ ഇക്കഴിഞ്ഞ ഏപ്രിൽ 21 ഞായറാഴ്ച 17 വർഷവും 10 മാസവും 24 ദിവസവും പ്രായമുള്ള തമിഴ് നാട്ടുകാരൻ ലോക ചെസിന്റെ ചരിത്രപുസ്തകത്തിന്റെ തങ്കത്താളുകളിൽ ഒരു പക്ഷേ ഇനിയൊരാൾക്കും തകർക്കുവാൻ കഴിയാത്ത റിക്കാർഡുമായി ഇടം പിടിച്ചിരിക്കു കയാണ്. ഈ വർഷം അവസാനം നടക്കാനിരിക്കുന്ന ലോക ചാംപ്യനെ നിർണയിക്കുവാനുള്ള അന്തിമ പോരാട്ടത്തിന് അർഹത നേടിക്കൊണ്ട് ലോകത്തിന്റെ നെറു കയിലേറിയിരിക്കുകയാണ് ഈ കൗമാരതാരം. ലോക ചാംപ്യൻ പട്ടം കഴിഞ്ഞ തവണ നേടിയ ചൈനയുടെ ഡിങ് ലിറനെ നേരിടാനുള്ള എതിരാളിയെ നിശ്ചയിക്കുന്ന അവസാ കടമ്പയാണ് കാൻഡിഡേറ്റ്സ് ചെസ്. നാലു ദശാബ്ദങ്ങൾക്ക് മുൻപ്, 1984 ൽ ഇരുപതാം വയസ്സിലാണ് റഷ്യയുടെ ചെസ് ഇതിഹാസതാരം ഗാരി കാസ്പറോവ് ഏറ്റവും പ്രായം കുറഞ്ഞ കാൻഡിഡേറ്റ്സ് ജേതാവാകുന്നത്.