விண்ணில் மறைந்தாரோ விஞ்ஞானி வளர்மதி!

இஸ்ரோ விஞ்ஞானி வளர்மதியின் மறைவு பலரையும் அதிர்ச்சிக்குள்ளாக்கியது. அந்த சாதனைப் பெண்மணியின் குரல் கடைசி வரை இஸ்ரோவில் ஒலித்துக் கொண்டிருந்தது.

- 

ஸ்ரீஹரி கோட்டாவில் ராக்கெட் ஏவுவதற்கான கவுன்டவுனுக்குக் கொடுத்து வந்த தமிழ்நாட்டைச் சேர்ந்த இஸ்ரோ விஞ்ஞானி வளர்மதி உடல்நலக்குறைவால் காலமானார்.

சென்னையில் தனியார் மருத்துவமனையில் அனுமதிக்கப்பட்டிருந்த அவர் மாரடைப்பு காரணமாக உயிரிழந்திருக்கிறார்.

சந்திரயான் 2 விண்கலம் விண்ணில் ஏவிய நிகழ்வு முதல் பல பிஎஸ்எல்வி, ஜிஎஸ்எல்வி ராக்கெட் ஏவிய நிகழ்வு வரை கடந்த ஆறு ஆண்டுகளாக எந்திர ஏவும் குரல் கொடுப்பவராக வளர்மதி பணியாற்றியிருக்கிறார். தனது கம்பீரமான குரலுக்காக பலராலும் பாராட்டப்பட்டவர்.

அண்மையில் சந்திரயான் 3, லேண்டர் நிலவின் தென் பகுதியில் வெற்றிகரமாக தனது தடத்தைப் பதித்து இந்தியா வரலாற்றுச் சாதனையைப் படைத்தது. அந்த சந்திரயான் 3 விண்கலத்திற்கும் கவுன்டவுன் குரல் கொடுத்தவர் வளர்மதிதான். அவரின் மறைவுக்கு விஞ்ஞானிகள், பொதுமக்கள் எனப் பலரும் இரங்கல் தெரிவித்துள்ளனர்.