വാർദ്ധക്യമോ മറവിരോഗമോ?

വാർദ്ധക്യത്തിൽ വരുന്ന ഓർമ്മക്കുറവ് എപ്പോഴും വാർദ്ധക്യസഹജമായി എഴുതിത്തള്ളാൻ സാധ്യമല്ല. ചിലപ്പോഴെങ്കിലും അത് മറവിരോഗത്തിന്റെ ആരംഭം ആകാം.

-  ഡോ. ഗിരിഷങ്കർ (9447093111)

സാധാരണയായി പ്രായമായവരെ ബാധിക്കുന്ന ഒരു രോഗാവസ്ഥയാണ് ബോധക്ഷയം അഥവാ ഡിമൻഷ്യ. വാർദ്ധക്യ സംബന്ധമായ രോഗാവസ്ഥയിൽ ഏറ്റവും പ്രധാനമാണ് മറവിരോഗം. മനുഷ്യമനസ്സിന്റെ ജീവശാസ്ത്രപരമായ അടിസ്ഥാനം തല ച്ചോറാണ്. തലച്ചോറിന്റെ കോശങ്ങളെ ഭാഗിച്ച് അതിനെ നശിപ്പിക്കുന്ന ഒരു കൂട്ടം രോഗങ്ങൾ ആണ് ഈ രോഗാവസ്ഥയ്ക്ക് കാരണം. 5 മുതൽ 9 ശത മാനം 65 വയസ്സിന് മുകളിൽ ഉള്ളവരിൽ ഈ രോഗം കാണുന്നു. എന്നാൽ 85 വയസ്സിന് മുകളിൽ ഉള്ള 50 ശതമാനം പേർക്കും മറവിരോഗം ഉണ്ടെന്ന് കണക്കു കൾ സൂചിപ്പിക്കുന്നു.