సినిమాలు చూసి ఎవరూ మారిపోరు -నివేదా థామస్

సహజమైన అందం, పరిణతి చెందిన నటనతో టాలీవుడ్లో ఎంతోమంది అభిమానులను సొంతం చేసుకున్న ముద్దుగుమ్మ నివేదా థామస్. బాల్యం నుంచే నటనలో రాణిస్తూ అనేక విజయ వంతమైన పాత్రలతో జాతీయ స్థాయి గుర్తింపు సాధించుకున్నారు.

సహజమైన అందం, పరిణతి చెందిన నటనతో టాలీవుడ్లో ఎంతోమంది అభిమానులను సొంతం చేసుకున్న ముద్దుగుమ్మ నివేదా థామస్. బాల్యం నుంచే నటనలో రాణిస్తూ అనేక విజయ వంతమైన పాత్రలతో జాతీయ స్థాయి గుర్తింపు సాధించుకున్నారు.కేరళలో పుట్టి, తమిళనాడులో పెరిగి ప్రస్తుతం హీరోయిన్గా పలు భాషలో బిజీగా ఉన్నారు. టాలీవుడ్లో ఐదేళ్ల క్రితం ఎంట్రీ ఇచ్చి 'జెంటిల్మేన్’ నుంచి ఇటీవల ‘వకీల్ సాబ్' వరకు సక్సెస్ ఫుల్ చిత్రాలద్వారా అగ్రతారగా ఎది గారు. సరిగ్గా రెండు దశాబ్దాల క్రితం కథకళి డ్యాన్సర్గా తెరంగేట్రం చేసిన ఈ కేరళ కుట్టి, ఆ తర్వాత మోడలింగ్లో రాణించారు. నటిగా ఎదగాలన్న కాంక్ష బలంగా ఉండ టంతో ఇంజనీరింగ్ చదువు తూనే సినీ రంగంలో నిరంతరం కృషి చేస్తూ మంచి నటిగా పేరు సంపా దించారు. ఏ పని చేసినా ముందూ వెనుక ఆలోచించి శక్తి వంచన లేకుండా ప్రయత్నించాలని బలంగా నమ్మే నివేదా ప్రతి విషయంపై సూటిగా తన అభి ప్రాయాలను వ్యక్తం చేస్తుంటారు.ఏ రంగంలోనైనా లక్ష్యాలను చేరా లంటే ఫ్యాషన్గా పని చేయాలని చెబుతున్న నివేదా థామస్ ఇంటర్వ్యూ విశేషాలు...

బిజినెస్ కుటుంబం నుంచి సినిమా రంగానికి ఎలా వచ్చారు?

మా నాన్న బిజినెస్మెన్. ఇంట్లో అమ్మ, తమ్ముడు ఉంటారు. నేను చిన్నప్పటి నుంచి డ్యాన్సింగ్, మోడలింగ్ మీద ఆసక్తి చూపటంతో వాళ్లు చాలా ప్రోత్సహించారు. కానీ ఎక్కడా స్టడీస్ని నిర్లక్ష్యం చేయకుండా చూసారు. అందుకే అటు చదువు కొనసాగిస్తునే షూటింగ్స్కీ వెళ్లేదాన్ని. నటి కావాలన్న బలమైన కోరిక వల్లే ఇక్కడి దాకా వచ్చాను.