ഊർജ്ജകേന്ദ്രങ്ങളാകുന്ന വിഗ്രഹം

വിഗ്രഹങ്ങൾ ശാസ്ത്രീയമായി സൃഷ്ടിച്ച ശക്തമായ ഊർജ്ജ കേന്ദ്രങ്ങളാണ്. ഒരു നിശ്ചിത രൂപം ഒരു പ്രത്യേക വസ്തു കൊണ്ട് നിർമ്മിച്ച് നിർദ്ദിഷ്ട രീതിയിൽ ചൈതന്യവത്താക്കുന്ന താണ് ബിംബനിർമ്മാണം. ഇതിന് സമഗ്രമായ ശാസ്ത്രം തന്നെയുണ്ട്. ഈ ചൈതന്യത്തെയാണ് നമ്മൾ വന്ദിക്കുന്നത്.

- ദേവദേവൻ

വിഗ്രഹങ്ങളെ മൂന്നായി തരം തിരിച്ചി രിക്കുന്നു. അചലം, ചലം, ചലാചലം.

ക്ഷേത്രത്തിൽ സ്ഥിരപ്രതിഷ്ഠ ചെയ്യുന്ന മൂല വിഗ്രഹങ്ങളാണ് അചലബിംബങ്ങൾ

എടുത്തുമാറ്റാൻ കഴിയുന്ന ലോഹബിംബങ്ങളാണ് ചലം.

പ്രതിഷ്ഠാവിഗ്രഹം തന്നെ അർച്ചനയ്ക്ക് ഉപയോഗിക്കുമ്പോൾ പറയപ്പെടുന്നത് ചലാചലം.

സ്ഥാപത്യശാസ്ത്ര തത്വം അടിസ്ഥാനപ്പെടുത്തിയാണത്രേ ശിൽപ്പികൾ ക്ഷേത്രവിഗ്രഹം നിർമ്മിക്കുന്നത്.

ഏകവർണ്ണത്തിലുള്ള ശിലകളാണ് ബിംബ നിർമ്മാണത്തിനായി ഉപയോഗിക്കുന്നത്.

ബിംബനിർമ്മാണത്തിന് സ്വീകാര്യമായ മരങ്ങൾ

പ്ലാവ്, ചന്ദനം, ദേവദാരു, ശമി

പുരുഷശിലയുടെ പ്രധാനലക്ഷണം...?

നല്ല ദൃഢതയുണ്ടായിരിക്കും. ചുറ്റിക കൊണ്ട് തട്ടിയാൽ മണിനാദം കേൾക്കാം.

സ്ത്രീശിലയുടെ ലക്ഷണം...

മൃദുത്വവും ചുറ്റിക കൊണ്ട് തട്ടിയാൽ ഇലത്താളത്തിന്റെ ശബ്ദവും കേൾക്കാം.

ബിംബം പണിയാൻ ഉപയോഗിക്കുന്ന ശിലയുടെ അഗ്രഭാഗം(തല) 4 മഹാദിക്കുകളിൽ ഏതെങ്കിലുമൊന്നിലേയ്ക്കായിരിക്കണം.

ബിംബം നിർമ്മിക്കാൻ ഉപയോഗിക്കുന്ന ശിലയിൽ തീപ്പൊരി അധികം ഉണ്ടാകുന്നത് ശിലയുടെ ശിരസ്സിലായിരിക്കും.

ഭൂമിയിൽ പതിഞ്ഞുകിടക്കുന്ന ശിലയുടെ അധോമുഖ ഭാഗം ബിംബത്തിന്റെ മുഖമായിരിക്കും.