ഫെബ്രുവരി -26 മഹാശിവരാത്രി ശിവപ്രീതി ഇരട്ടിവേഗത്തിൽ...

മഹാശിവരാത്രി ഇങ്ങെത്താറായി. ഇക്കുറി കുംഭമാസം 14 നാണ് (2025 ഫെബ്രുവരി 26) ആ പുണ്യനാൾ സമാഗതമാകുന്നത്. ശിവഭക്തരെല്ലാം ഭക്ത്യാദര പൂർവ്വം മഹാദേവനെ സ്തുതിക്കുകയും സേവിക്കുകയും ചെയ്യുന്ന നാളാണല്ലോ മഹാശിവരാത്രി. ആ പുണ്യദിനത്തിൽ വ്രതം നോൽക്കുന്ന ഭക്തർ നിരവധിയാണ്. എന്താണ് ശിവരാത്രി വ്രതത്തിന്റെ സവിശേഷതകൾ? പലർക്കും അറിവുളള കാര്യമാണെങ്കിലും ഇക്കാര്യത്തിൽ കൃത്യമായ ധാരണ ഇല്ലാത്തവർ ഇപ്പോഴും ധാരാളമാണ്. അവരുടെ അറിവിലേക്കായി ഒരു ലഘുവിവരണം .

- അനീഷ് മോഹനചന്ദ്രൻ

ഹിന്ദുമത വിശ്വാസത്തിൽ ശിവ രാത്രി വ്രതത്തിന് വലിയ പ്രാധാന്യമാണ് കൽപ്പിക്കപ്പെട്ടിട്ടുള്ളത്. അന്നേദിനം ഭക്തർ സംഹാരമൂർത്തിയായ ഭഗവാൻ പരമശിവനെ പ്രീതിപ്പെടുത്താനായി വ്രതം നോൽക്കുകയും അദ്ദേഹത്തെ ആരാധിക്കുകയും ചെയ്യുന്നു. എന്നാൽ ശിവരാത്രി വ്രതമെടുക്കുന്നവർ അറിഞ്ഞിരിക്കേണ്ട ചില കാര്യങ്ങളുണ്ട്. ശരിയായ രീതിയിൽ വ്രതമെടുത്ത് ആരാധിച്ചാൽ മാത്രമേ ഭക്തർക്ക് പൂർണ്ണ ഫലം ലഭിക്കുകയുള്ളൂ. അവിവാഹിതരായ സ്ത്രികൾക്ക് മഹാശിവരാത്രി വ്രതം ഏറെ വിശേഷപ്പെട്ടതാണ്. ശിവരാത്രിവ്രതം അനുഷ്ഠിക്കുന്ന പെൺകുട്ടികൾക്ക് വ്രതാനുഷ്ഠാനത്തിന്റെ ഫലം ഉടൻ ലഭിക്കുമെന്നും അവർക്ക് ആഗ്രഹിച്ച വരനെ ലഭിക്കുമെന്നുമാണ് വിശ്വാസം. അതേസമയം, വിവാഹിതരായ സ്ത്രീകൾ ഈ ദിവസം വ്രതമനുഷ്ഠിച്ചാൽ അവർക്ക് ശാശ്വതഭാഗ്യവും കുടുംബത്തിൽ ഐശ്വര്യവും ഉണ്ടാകുമെന്നും പറയപ്പെടുന്നു.

ശിവരാത്രിയിലെ ഒരു ദിവസത്തെ വ്രതം കൊണ്ട് മാത്രം ഭക്തർക്ക് വർഷം മുഴുവനും ഭഗവാൻ ശിവനെ പൂജിച്ചതിന്റെ ഫലം ലഭിക്കുന്നു എന്നാണ് പറയപ്പെടുന്നത്. അന്നേ നാൾ വ്രതമെടുക്കുന്ന ഭക്തരുടെ സകലദുരിതങ്ങളും സർവ്വേശ്വരൻ അകറ്റുമെന്നാണ് കരുതപ്പെടുന്നത്. ഗുരുശാപം, സ്ത്രീശാപം തുടങ്ങിയ മഹാപാപങ്ങൾ പോലും ശിവരാത്രി വ്രതം മൂലം ഇല്ലാതാകുമെന്നാണ് വിശ്വാസം.

വ്രതം എങ്ങനെ എടുക്കാം?