எஸ்ஐஆர்-க்கு தடை விதிக்க உச்சநீதிமன்றம் மறுப்பு

தமிழகத்தில் செயல்படுத்தப்பட்டு வரும் வாக்காளர் பட்டியல் சிறப்பு தீவிர திருத்த (எஸ்ஐஆர்) நடவடிக்கைக்கு இடைக்காலத் தடை விதிக்க உச்சநீதிமன்றம் செவ்வாய்க்கிழமை மறுத்துவிட்டது.

- நமது நிருபர்

மேலும், எஸ்ஐஆர் நடவடிக்கைக்கு ஆட்சேபம் தெரிவித்து தமிழகத்தில் ஆளும் திமுக, மார்க்சிஸ்ட் கம்யூனிஸ்ட் ஆகியவை தாக்கல் செய்த மனுக்களுக்கு தனித்தனியாக தேர்தல் ஆணையம் இரண்டு வாரங்களுக்குள் பதில் மனுக்களைத் தாக்கல் செய்யும் வகையில் நோட்டீஸ் அனுப்ப நீதிபதிகள் உத்தரவிட்டனர்.

இந்த விவகாரத்தில் தாக்கல் செய்யப்பட்ட மனுக்கள் நீதிபதிகள் சூர்ய காந்த், ஜயமால்ய பாக்சி அடங்கிய அமர்வு முன்னிலையில் செவ்வாய்க்கிழமை (நவ.11) விசாரணைக்கு வந்தது.