ஸ்ரீவில்லிபுத்தூர்-மேகமலை புலிகள் காப்பக மண்டலத்தில் கனிமவள கடத்தல்: அதிகாரிகள் ஆய்வு

ஸ்ரீவில்லிபுத்தூர்-மேகமலை புலிகள் காப்பகத்தை ஒட்டிய சுற்றுச்சூழல் உணர்திறன் மண்டலத்தில் கனிம வளங்கள் வெட்டி கடத்தப்பட்ட பகுதியை அதிகாரிகள் செயற்கைகோள் கருவி உதவியுடன் புதன்கிழமை அளவீடு செய்தனர்.

- 

ஸ்ரீவில்லிபுத்தூர், ஜூன் 18:

ஸ்ரீவில்லிபுத்தூர் சாம்பல் நிற அணில்கள் சரணாலயம், மேகமலை வன உயிரின காப்பகத்துடன் இணைக்கப்பட்டு கடந்த 2021 பிப்ரவரியில் ஸ்ரீவில்லிபுத்தூர்- மேகமலை புலிகள் காப்பகம் உருவாக்கப்பட்டது.

ஸ்ரீவில்லிபுத்தூர்-மேகமலை புலிகள் காப்பகத்தின் சுற்றுச்சூழல் உணர்திறன் மண்டலத்தின் மொத்த பரப்பளவு 422.59 ஹெக்டேர் ஆகும். இதில் ஸ்ரீவில்லிபுத்தூர் வனவிலங்கு சரணாலயத்தைப் பொறுத்தவரை, சுற்றுச்சூழல் உணர்திறன் மண்டலத்தின் பரப்பளவு 305.86 ஹெக்டேர் ஆகும்.