தடையற்ற வர்த்தக ஒப்பந்தம்: இந்தியா-பிரிட்டன் மீண்டும் பேச்சு

இந்தியா-பிரிட்டன் இடையே தடையற்ற வர்த்தக ஒப்பந்தத்தை இறுதி செய்வதற்கான பேச்சுவார்த்தை மீண்டும் திங்கள்கிழமை தொடங்கியது.

- 

புது தில்லி, பிப்.24:

தற்போது இரு நாடுகளிடையே சராசரியாக ரூ.1.73 லட்சம் கோடி மதிப்பிலான வர்த்தகம் நடைபெற்று வருகிறது. இதை அடுத்த பத்தாண்டுகளில் இரண்டு அல்லது மூன்று மடங்காக உயர்த்துவதே இந்த ஒப்பந்தத்தின் நோக்கம் என மத்திய வர்த்தகத் துறை அமைச்சர் பியூஷ் கோயல் தெரிவித்தார்.

திங்கள்கிழமை இந்தியா வந்த பிரிட்டன் வணிகம் மற்றும் வர்த்தகத் துறை அமைச்சர் ஜோனாதன் ரெனால்ட்ஸ், தடையற்ற வர்த்தக ஒப்பந்தம் குறித்து பியூஷ் கோயலுடன் பேச்சுவார்த்தை நடத்தினார்.