விஜய் பிறந்த நாள் விழாவில் மோதல்; 3 பேருக்கு கத்திக்குத்து; 7 பேர் காயம்

கிருஷ்ணகிரி அருகே தமிழக வெற்றிக் கழகத்தலைவர் நடிகர் விஜய் பிறந்தநாள் விழாவையொட்டி, கட்சி தொண்டர்கள் இடையே ஏற்பட்ட மோதலில் காயமடைந்த 7 பேர் கிருஷ்ணகிரி அரசு மருத்துவக் கல்லூரி மருத்துவமனையில் அனுமதிக்கப்பட்டனர்.

- 

இதுதொடர்பாக 5 பேரை போலீஸார் திங்கள்கிழமை கைது செய்தனர்.

கிருஷ்ணகிரி நகரில் தமிழக வெற்றிக்கழகத்தலைவர் விஜய் பிறந்தநாள் விழா ஞாயிற்றுக்கிழமை நடைபெற்றது. அப்போது, அக்கட்சி தொண்டர்களான சலீம் (31), சசிகுமார் ஆகியோர் கீழ்புதூர் கிராமத்துக்கு காரில் சென்றனர். அங்கு கட்சிக்கொடிக் கம்பம் அருகே மரக்கன்றை நடவு செய்தனர். அப்போது, கீழ்புதூர் கிராமத்தைச் சேர்ந்த நாகராஜ் (31), அப்பகுதி கிளைத் தலைவராக தான் உள்ள நிலையில், தனக்குத் தெரிவிக்காமல் கட்சி நிகழ்ச்சியை நடத்துவதற்கு எதிர்ப்பு தெரிவித்துள்ளார்.