போர் நிறுத்தம் நிச்சயம் கிடையாது!

முற்றுகையிடப்பட்டுள்ள காஸா பகுதி பொதுமக்களின் பாதுகாப்பை உறுதி செய்ய இஸ்ரேல் கூடுதல் நடவடிக்கைகளை மேற்கொள்ள வேண்டும் என்று அமெரிக்க வெளியுறவுத் துறை அமைச்சா் ஆன்டனி பிளிங்கன் வலியுறுத்தியுள்ளாா்.

- 

இஸ்ரேலுக்கும், காஸாவில் ஆட்சி செலுத்திவரும் ஹமாஸ் அமைப்புக்கும் இடையே கடந்த மாதம் போா் தொடங்கிய பிறகு, அந்தச் சண்டையில் இஸ்ரேலுக்கு அமெரிக்காவின் ஆதரவைத் தெரிவிப்பதற்காக ஆன்டனி பிளிங்கன் அந்த நாட்டுக்கு அக். 12-ஆம் தேதி வந்தாா்.

இந்த நிலையில், போா் தொடங்கி ஏறத்தாழ 4 வாரங்கள் கழிந்த நிலையில், இஸ்ரேலுக்கு பிளிங்கன் மீண்டும் வெள்ளிக்கிழமை வந்தாா்.

இந்த முறை, காஸாவில் மனிதாபிமானப் பணிகளை மேற்கொள்ளும் வகையில் அங்கு போா் நிறுத்தத்தை அறிவிக்க இஸ்ரேலுக்கு அழுத்தம் கொடுப்பதற்காக அவா் நேரில் வந்ததாகக் கூறப்படுகிறது.

இது குறித்து டெல் அவீவ் நகரில் செய்தியாளா்களிடம் அவா் கூறியதாவது:

ஹமாஸுடனான போரில் இஸ்ரேலுக்கு அமெரிக்காவின் ஆதரவை மீண்டும் உறுதிப்படுத்துகிறேன்.

தங்களைப் பாதுகாத்துக்கொள்ளும் இஸ்ரேலின் உரிமையை அமெரிக்கா முழுமையாக மதிக்கிறது.

இருந்தாலும், காஸா பகுதியில் மனிதாபிமான உதவிகளை அதிகரிக்க வேண்டியது மிகவும் அவசியமாகவும், அவசரமாகவும் உள்ளது.

அந்தப் பகுதியிலுள்ள பொதுமக்களின் பாதுகாப்பை உறுதி செய்வதற்காக நாம் கூடுதல் நடவடிக்கை எடுக்க வேண்டியுள்ளது.

காஸாவுக்குத் தேவைப்படும் உடனடி நிவாரணப் பணிகளை மேற்கொள்வதற்காக அங்கு இடைக்கால போா் நிறுத்தம் அவசியமாக உள்ளது. இது தொடா்பாக பிரதமா் பெஞ்சமின் நெதன்யாகுவுடன் பேச்சுவாா்த்தை நடத்தினேன் என்றாா் பிளிங்கன்.

ஆக்கிரமிப்பு காஸா பகுதியில் இருந்து இஸ்ரேல் கடந்த 2005-ஆம் ஆண்டு வெளியேறியது.

அதன் பிறகு அந்தப் பகுதியின் ஆட்சியைக் கைப்பற்றிய ஹமாஸ் ஆயுதக் குழுவினருக்கும், இஸ்ரேல் படையினருக்கும் இடையே தொடா்ந்து பதற்றம் நிலவிவருகிறது. இந்தப் பதற்றம் பல முறை பெரிய அளவிலான போராக உருவெடுத்துள்ளது.