ഡോക്ടറാവാൻ 7 പടവുകൾ

മെഡിസിൻ പഠനത്തിലേക്കു കടക്കുന്നവർ ശ്രദ്ധിക്കേണ്ട ചുവടുകൾ കരിയർ ഗുരു വിശദീകരിക്കുന്നു.

- ബി.എസ്.വാരിയർ

മെഡിസിൻ പഠനം എന്നു കേൾക്കുമ്പോൾ മെഡിസിന്റെ കാര്യമാണു പൊതുവേ ഓർക്കുക. ആയുർവേദം, ഹോമിയോപ്പതി, സിദ്ധ, യുനാനി മുതലായവയും മെഡിസിൻ പഠനത്തിൽ വരുമെങ്കിലും നമുക്കു മോഡേൺ മെഡിസിൻ മാത്രം ഇപ്പോൾ പരിശോധിക്കാം.

ഇക്കഴിഞ്ഞ സെപ്റ്റംബർ 23നു നാഷനൽ മെഡിക്കൽ കമ്മിഷൻ പ്രസിദ്ധപ്പെടുത്തിയ കണക്കനുസരിച്ച് ഇന്ത്യയിൽ ആകെയുള്ളത് ഒന്നേകാൽ ലക്ഷത്തോളം എംബി ബിഎസ് സീറ്റുകളാണ്. പക്ഷേ, ഇത്തവണ നീറ്റ് യുജി എഴുതിയ 22,09,318 വിദ്യാർഥികളിൽ ഭൂരിപക്ഷത്തിന്റെയും ആദ്യ ചോയ്സ് എംബിബിഎസ് (ബാപ്ലർ ഓഫ് മെഡിസിൻ & ബാർ ഓഫ് സർജറി)ആണെന്നത് ഈ വഴിയുടെ ജനപ്രീതി സൂചിപ്പിക്കുന്നു.

ഡോക്ടറാകാനുള്ള ഏഴു പടവുകൾ പരിശോധിക്കാം.

1. മികച്ച പ്ലസ് ടു ജയം: ഇന്ത്യയിലെ എല്ലാ മെഡിക്കൽ കോളജുകളിലെയും സ്ഥാപനങ്ങളിലെയും എം ബിബിഎസ് പ്രവേശനത്തിനു വിദ്യാർഥികളെ തിര ഞെഞ്ഞെടുക്കുന്നത് 'നീറ്റ് യുജി' എന്ന ദേശീയ എൻട്രൻസ്പരീക്ഷയിലെ സ്കോർ നോക്കിയാണ് (NEET: National Eligibility cum Entrance Test-Under Graduate. വെബ്:https://neet.nta.nic.in). നീറ്റ് എഴുതണമെങ്കിൽ പ്ലസ് ടു പരീക്ഷയിൽ ഫിസി ക്സ്, കെമിസ്ട്രി, ബയോളജി (അഥവാ ബയോടെക്നോളജി) എന്നിവയ്ക്ക് മൊത്തം 50% മാർക്ക് വേണം. പട്ടിക, പിന്നാക്ക, ഭിന്നശേഷി വിഭാഗക്കാർക്കു 40% മതി. 12ൽ ബയോളജിക്കു പകരം ബയോടെക്നോളജി പഠിച്ചവർക്കും പ്രവേശനാർഹതയുണ്ടെങ്കിലും ബയോളജിക്കാർക്ക് ഈ പാതയിൽ നീങ്ങാൻ പല വിശേഷസൗകര്യങ്ങളുണ്ട്.