പഠനം പവറാക്കാം!

വൈദ്യുതമേഖലയുമായി ബന്ധപ്പെട്ട ആഴത്തിലും പരന്നതുമായ പഠനത്തിനുള്ള സാധ്യതയാണ് പവർ മാനേജ്മെന്റ്

- ബി.എസ്.വാരിയർ

വൈദ്യുതിയില്ലാത്ത ജീവിതം നമുക്കു സങ്കൽപിക്കാൻ സാധ്യമല്ല. വ്യവസായത്തിന്റെ ജീവവായുവുമാണു വൈദ്യതി. ജല/താപ/ആണവ വൈദ്യുതനിലയങ്ങൾ വൈദ്യുതോല്പാദനത്തിൽ നിർണായകം. വൈദ്യുതിയുടെ പ്രേഷണം (ട്രാൻസ്മിഷൻ), വിതരണം, സുരക്ഷാവ്യവസ്ഥകൾ തുടങ്ങിയവ സുപ്രധാന മേഖലകളാണ്. ഇവയെല്ലാം നടപ്പാക്കാൻ പഠന പരിശീലനങ്ങൾ മാത്രമല്ല, നിരന്തരഗവേഷണവും ആവശ്യമാണ്. അതിനു സഹായിക്കുന്ന പഠന മേഖലയാണ് പവർ മാനേജ്മെന്റ്.