బ్లాక్ వ్యాలీ

ఉత్కర్ష్ సెలవులు గడపడానికి తన తాతయ్య ఊరికి వెళ్లాడు. అతనికి ఆ ఊరు ఎంతగానో నచ్చింది.

- ఉషా సోమానీ

ఉత్కర్ష్ సెలవులు గడపడానికి తన తాతయ్య ఊరికి వెళ్లాడు. అతనికి ఆ ఊరు ఎంతగానో నచ్చింది.అక్కడ విద్యుత్ సౌకర్యం లేనప్పటికీ, అంతా ప్రకృతి అందాలతో నిండి ఉంది. అక్కడ చుట్టూరా అందమైన కొండలు, పచ్చదనం, పచ్చని పొలాలు ఆవరించి ఉన్నాయి. అతడు ఇవన్నీ ఇష్టపడ్డాడు. అతనికి నీలి ఆకాశం కింద నిద్రపోవాలన్న కోరిక ఉంది.కానీ గ్రామంలో పరిస్థితి అంతా మారిపోయింది.గ్రామ ప్రజలు భయపడిపోసాగారు. సంధ్యా సమయానికి ముందే వాళ్లు ఇంటికి తిరిగి వచ్చేవారు. ఎవ్వరూ కూడా ఇప్పుడు తమ డాబాలపై పడుకోవడం లేదు. ఇళ్లకు తాళాలు వేసి చాలామంది గ్రామస్తులు ఊరు విడిచి వెళ్లిపోయారు.

ఉత్కర్ష్ బయటకు వెళ్లకుండా వాళ్ల తాతయ్య అడ్డుకున్నాడు. ఇది ఉత్కర్ని అయోమయంలో పడేసింది. ఏం జరుగుతుందో అతనికి అర్థం కాలేదు.

ఒక రోజు అతడు నిజంగా గ్రామంలో ఏం జరుగుతుందో తెలుసుకోవాలనుకున్నాడు. దాని గురించి వాళ్ల తాతయ్యను అడగాలనుకున్నాడు. బ్రేక్ఫాస్ట్ టేబుల్ దగ్గర కూర్చున్నప్పుడు “తాతయ్యా, ఊర్లో ఏం జరిగింది. ఊర్లోని వారంతా ఎందుకు అంత విచారంగా ఉన్నారు. ఎవ్వరూ కూడా సాయంకాలం తర్వాత బయట కనిపించరు. అందమైన ఆకాశం కింద తమ డాబా మీద పడుకోరు" అని అడిగాడు.

ఈ మార్పు ఉత్కరిని బాధ పెడుతోందని తాతయ్యకు తెలుసు.“బాబూ, ఊళ్లోని బ్లాక్ వ్యాలీ మా సమస్యకు ప్రధాన మూలంగా మారింది” అని చెప్పాడు.

ఉత్కర్ష్ తన కుర్చీని తాతయ్య దగ్గరికి లాక్కొన్నాడు. “కానీ ప్రతి ఒక్కరూ బ్లాక్ వ్యాలీని ఇష్టపడతారు.ఇది అందంగానూ ఉంటుంది.ఎలా అది సమస్యకి కారణమైంది?” అని అడిగాడు.

తాతయ్య నిట్టూర్చాడు. “ఏమి జరిగిందో మాకు తెలియదు. కానీ ఒక రోజు రాత్రి ఏదో లేక ఎవరో బ్లాక్వ్యాలీలో నివసించడానికి వచ్చారు. కొందరు దాన్ని దెయ్యం అంటారు. ఇంకొకరు ఒక ఆత్మ అని అంటారు. కానీ అదేమిటో ఎవ్వరికీ తెలియదు” అని చెప్పాడు.

“మీరు దాన్ని చూసారా?” అని అడిగాడు ఉత్కర్ష్.