ഉറക്കക്കുറവും മൈക്രോ സ്ലീപും അപകടകരമാണ്

30 സെക്കൻഡിൽ താഴെയുള്ള ഉറക്കത്തെയാണ് മൈക്രോസ്ലീഷ് എന്നുപറയുന്നത്. പലപ്പോഴും നമ്മൾ ഇതേക്കുറിച്ച് ബോധവാന്മാരല്ല. മൈക്രോസ്ലീഷ് സംഭവിക്കുമ്പോൾ ഒരാൾ ഉണർന്നിരിക്കാൻ ശ്രമിക്കുകയും പരാജയപ്പെടുകയും ചെയ്യുന്നതിനാൽ, ഒന്നിലധികം മൈക്രോസ്ലീഷിന്റെ എപ്പിസോഡുകൾ തുടരെത്തുടരെയുണ്ടായേക്കാം.

- Dr Arun Oommen

മസ്തിഷ്കത്തിന്റെ ശരിയായ പ്രവർത്തനത്തിനുള്ള അത്യാവശ്യഘടകമാണ് ഉറക്കം. ശ്വസനത്തിനും ഭക്ഷണത്തിനുമുള്ളതുപോലെ പ്രാധാന്യം ഉറക്കത്തിനുമുണ്ട്. ഉറക്കക്കുറവ് നമ്മുടെ മാനസികവും ശാരീരികവുമായ ആരോഗ്യത്തെ ഹനിക്കുന്നു. ഉറക്കത്തിന്റെ ഗുണനിലവാരം ഒരു വ്യക്തിയുടെ മാനസിക മൂർച്ച, ഉൽപ്പാദനക്ഷമത, വൈകാരിക സന്തുലിതാവസ്ഥ, സർഗ്ഗാത്മകത, ശാരീരികോർജ്ജം, ശരീരഭാരം എന്നിവ ഉൾപ്പെടെയുള്ള ദൈനംദിനജീവിതത്തെ നേരിട്ട് ബാധിക്കുന്നു. ചെറിയ പ്രയത്നം കൊണ്ട് ഇത്രയധികം നേട്ടങ്ങൾ നൽകു ന്ന മറ്റൊരു പ്രവർത്തനവും ഇല്ല. ഒരാൾ ഉറങ്ങുമ്പോൾ, അയാളുടെ ശരീരം, ശാ രീരികവും മാനസികവുമായ ആരോഗ്യം കാത്തുസൂക്ഷിക്കുകയും പുതിയൊരു ദിവ സത്തിനായി അയാളെ തയ്യാറാക്കുകയും ചെയ്യുന്ന തിരക്കിലാണ്. കുറഞ്ഞ ഉറക്കം പോലും ഒരാളുടെ മാനസികാവസ്ഥ, ഊർജ്ജം, സമ്മർദ്ദം കൈകാര്യം ചെയ്യാനുള്ള കഴിവ് എന്നിവയെ ബാധിക്കും. ഉറക്കമില്ലായ്മയുടെ ഒരു പാർശ്വഫലമാണ് മൈക്രോ സ്ലീപ്പ്, അവിടെ നമ്മൾ കുറച്ച് സെക്കൻഡുകളോ കുറച്ച് മിനിറ്റുകളോ മാത്രം ഉറങ്ങുകയും ആ ഉറക്കം തിരിച്ചറിയാതെ പോകുകയും ചെയ്യും. വാഹനമോടിക്കുമ്പോഴോ ഉയർന്ന അപകടസാധ്യ തയുള്ള ചില ജോലികൾ ചെയ്യുമ്പോഴോ മൈക്രോ സ്ലീപ്പ് സംഭവിക്കുകയും അത് അത്യന്തം അപകടകരമോ മാരകമോ ആയിത്തീർന്നേക്കാം.

30 സെക്കൻഡിൽ താഴെയുള്ള ഉറക്കത്തെയാണ് മൈക്രോസ്ലീപ്പ് എന്നു പറയുന്നത്. പലപ്പോഴും നമ്മൾ ഇതേക്കുറിച്ച് ബോധവാന്മാരല്ല. മൈക്രോസ്ലീപ്പ് സംഭവിക്കുമ്പോൾ ഒരാൾ ഉണർന്നിരിക്കാൻ ശ്രമിക്കുകയും പരാജയപ്പെടുകയും ചെയ്യുന്നതിനാൽ, ഒന്നിലധികം മക്രോസ്ലീപ്പിന്റെ എപ്പിസോഡുകൾ തുടരെത്തുടരെയുണ്ടായേക്കാം. മസ്തിഷ്കത്തിന് അത് രജിസ്റ്റർ ചെയ്യുന്നതിന് മുമ്പ് ഒരു മിനിറ്റെങ്കിലും ഉറങ്ങേണ്ടതുണ്ട്. ദീർഘദൂര ഡ്രൈവർമാർ, പൈലറ്റ്, എയർ ട്രാഫിക് കൺട്രോളർ, ട്രക്ക് ഡ്രൈവർ, പ്ലാന്റിലോ റിഫൈനറിയിലോ മെഡിക്കൽ മേഖലയിലോ ഉള്ള പ്രോസസ്സ് വർക്കർമാർ എന്നിവരിൽ മൈക്രോസ്ലീപ്പ് സാധാരണയായി കാണപ്പെടുന്നു. ഇവരൊക്കെ മൈക്രോസ്ലീപ്പ് അനുഭവിക്കുമ്പോളത് പൊതുസുരക്ഷയ്ക്ക് ഭീഷണിയാകുന്നു.