ગણતરીપૂર્વકનું જોખમ. પણ શા માટે?

કેન્દ્રીય પ્રધાનમંડળમાં ફેરફાર કરવા સાથે ભાજપે એક મહિનામાં ઉત્તરાખંડ અને હવે કર્ણાટકમાં ગુખ્ય મંત્રી બદલ્યા છે. આ પરિવર્તન પક્ષના સંક્રમણની નિશાની હોઈ શકે.

- હીરેન મહેતા

સ્વેચ્છાએ નિવૃત્તિ કે રાજીનામું એ શબ્દો રાજકારણને લાગુ જ પડતા નથી. બહુ ઓછા એવા કોઈ ભડના દીકરા રાજકારણમાં હશે, જેમણે હકીકતમાં પોતાની મરજીએ રાજરમતનું મેદાન છોડ્યું હોય એટલે કર્ણાટકના મુખ્ય મંત્રી બી.એસ. યેદિઉરપ્પાના રાજીનામાની વાત મન મનાવવા પૂરતી છે. હોદ્દો છોડવા માટે એમને સમજાવવામાં આવ્યા છે.