Bu konuda

In die eerste uitgawe van Platteland gee ’n paar kenners die moets en moenies van hoenders in die agterplaas, en ons wys ook stap vir stap hoe om ’n hoenderhotel op wiele te maak. Lees hoe dit is om op Nottingham Road in KZN en in die Kaapse Weskus te woon. Is jy ’n ywerige tuinier? Ons sit al die beginsels uiteen van waterslim tuinmaak, en gee ook wenke oor hoe om ’n kruietuin met ’n paar ongewone en inheemse kruie te ontwerp. En aangesien dit ons someruitgawe is, wys ons hoe die son vir jou kan werk, én ons gee ’n klompie watertand resepte met aarbeie.

Weg! Platteland Magazine Description:

Leef stadiger, leef lekkerder: Weg Platteland vier die leefstyl en entrepreneursgees van die mense wie se hart in die platteland lê – of hulle klaar daar woon, daar grootgeword het, beplan om soontoe te trek, graag daar gaan kuier of net hunker na ’n lewe weg van die gejaag. Die tydskrif is prakties én inspirerend, en ewe lekker om te lees en te kyk met artikels oor entrepreneurs, selfdoenprojekte, diere, tuine, kos, dorpe en mense.