നാടകം ജീവനു തുല്യം

ബഷീറിന്റെ മതിലുകൾ സിനിമയാക്കിയപ്പോൾ കെ.പി.എ.സി ലളിതയ്ക്ക് ഒപ്പം അഭിനയിക്കാൻ കഴി ഞ്ഞത് അവിസ്മരണീയമായ അനുഭവമായി നാടകരംഗത്ത് 40 വർഷങ്ങളുടെ അനുഭവസമ്പത്തുള ചാമുണ്ണി കരുതുന്നു.

- ഉമ ആനന്ദ്

നാടകരംഗത്ത് നാലര പതിറ്റാണ്ടിന്റെ അനുഭവ പാരപര്യമുള്ള കലാകാരനാണ് പാലക്കാട് ജില്ലക്കാരനായ രാമംഗലം ചാമുണ്ണി.

നാടകമെന്നാൽ ചാമുണ്ണിക്ക് പ്രാണവായുവിന് തുല്യമാണ്. അദ്ദേഹം ജീവിക്കുന്നത് തന്നെ നാടകത്തിനാണെന്ന് പറയുന്നതിൽ അതിശയോക്തിയൊന്നുമില്ല.

പ്രതികൂല സാഹചര്യം മൂലം കോളജ് വിദ്യാഭ്യാസം നേടാൻ കഴിഞ്ഞില്ല. പക്ഷേ, നാടകമെന്ന ലോകത്തു നിന്നും അറിവുകളേറെ നേടി.

ഏകാങ്ക നാടകം, അഞ്ച് മിനിറ്റ് നാടകം, ബസ് സ്റ്റോപ്പ് നാടകം തുടങ്ങി ഒട്ടേറെ പരീക്ഷണങ്ങൾ നടത്തിയിട്ടുണ്ട്.

ബഷീറിന്റെ മതിലുകൾ നാടകമാക്കിയപ്പോൾ കെ.പി.എ.സി. ലളിതയ്ക്കൊപ്പം അഭിനയിക്കാനായത് അവി സ്മരണീയമായ അനുഭവമാണ്.

ഒരു പത്ര ഏജന്റായി നാല് പതിറ്റാണ്ട് ജോലി ചെയ്തിട്ടുണ്ട്. എങ്കിലും ആ പരിമിതിയിൽ നിന്നുകൊണ്ട് ഇന്ത്യ മുഴുവൻ കറങ്ങിയിട്ടുണ്ട്. നന്നെ ചെറുപ്പത്തിൽത്തന്നെ.

ശ്രീബുദ്ധനോടും ബുദ്ധദർശനങ്ങളോടും അടങ്ങാത്ത അഭിനിവേശമുണ്ടായിരുന്നു ബുദ്ധഗയ സന്ദർശിക്കാൻ കഴിഞ്ഞതാണ് ജീവിതത്തിലെ പരമഭാഗ്യമായി കണക്കാക്കുന്നത്.

മൂത്ത പുത്രന് ഗൗതമനെന്ന പേരിട്ടിട്ടും അടങ്ങിയില്ല അഭിനിവേശം. രണ്ടാമത്തെ പുത്രന് സിദ്ധാർത്ഥ് എന്ന പേരിട്ടു.

ഒരിടതുപക്ഷക്കാരനായ ചാമുണ്ണിയുടെ മൂത്ത മകന് വധുവായി വന്നത് ഒരു കോൺഗ്രസ് കുടുംബത്തിലെ സോണിയ എന്ന പെൺകുട്ടിയാണ് സോണിയ ഗാന്ധിയോടുള്ള ആദരവ് നിമിത്തമാണ് ആ പേര് വച്ചത്.

ചാമുണ്ണിയുടെ രണ്ടാമത്തെ മകനും ഒരു കോൺഗ്രസ് കുടുംബത്തിൽ നിന്നാണ് വിവാഹം കഴിച്ചിരിക്കുന്നത്. രാജീവ് രാഹുൽ എന്നാണ് ഭാര്യയുടെ സഹോദരന്മാരുടെ പേരുകൾ.

എന്നാൽ ഒരന്താരാഷ്ട്ര പ്രശസ്തയായ പേരുകാരിയും ചാമുണ്ണിയുടെ കുടുംബത്തിലുണ്ട്. അതേ, ഗൗതമൻ - സോണിയ ദമ്പതികളുടെ മകളുടെ പേര് മലാല എന്നാണ്

ആരോഗ്യ പ്രശ്നങ്ങൾ കാരണം പത്ര വിതരണം നിർത്തലാക്കിയ ചാമുണ്ണിക്ക് കലാകാരന്മാർക്കുള്ള പെൻഷൻ മാത്രമാണ് ഇപ്പോൾ ഏക വരുമാന മാർഗം.

നാടകത്തിന് വേണ്ടി ജീവിതം ഉഴിഞ്ഞു വച്ചിരിക്കുന്ന ചാമുണ്ണിക്ക് ഒരാഗ്രഹമെയുള്ളൂ; മരിക്കുന്നത് വരെ അഭിനയിക്കണം.