സ്നേഹോദാരതയുടെ ഊഷ്മളത

“ആ വൃക്ഷത്തിലെ ഇലകൾ എത്ര സ്നേഹപൂർവ്വം തമ്മിൽ ചേർന്നു കഴിയുന്നു. അവ നാമ്പിട്ട നാൾ മുതൽ കൊഴിഞ്ഞു വീഴും വരെ ഒന്നിച്ച് സൗഹൃദഭാവേന കഴിയുന്നു. നമുക്കും അത് മാതൃകയാക്കിക്കൂടെ?!

- അമ്പലപ്പുഴ രാജഗോപാൽ

പ്രിയമുള്ള കൂട്ടുകാരെ,

നമുക്ക് പിണങ്ങാനും വിരോധിക്കാനും എളുപ്പമാണ്. പക്ഷേ, സ്നേഹം നിലനിർത്താനും സത്യസന്ധമായി പെരുമാറാനും സ്വാർത്ഥതയില്ലാതെ പരസ്പരം ആദരിക്കുവാനും പ്രയാസമാണ്. കാരണം, അത് എക്കാലവും നാം മനസ്സിൽ കൊണ്ടുനടന്നേ പറ്റൂ.

പക്ഷേ, നല്ല സ്വഭാവങ്ങൾ നാം മഹനീയഭാവനയോടെ ജീവിതത്തിലുട നീളം കൊണ്ടുനടക്കുന്നുവെങ്കിൽ, അവയെ ബഹുമാനിക്കുന്നുവെങ്കിൽ നമ്മുടെ സമൂഹത്തിൽ ശാന്തിയും സമാധാനവും ഉണ്ടാകും. നമുക്ക് വേണ്ടതും അതുതന്നെയാണല്ലോ? സ്വാതന്ത്ര്യത്തെത്തുടർന്ന് ഭാരതത്തിലെ രണ്ടു മതവിഭാഗങ്ങൾ തമ്മിൽ നിരന്തരം ലഹള നടന്നുകൊണ്ടിരുന്ന കാലഘട്ടമായിരുന്നു 1947. നമ്മുടെ നാടിന്റെ അതിർത്തിദേശമായ നവഖാലിയിലെ ഈ സംഭവങ്ങളെല്ലാം ഗാന്ധിജിയെ വല്ലാതെ വേദ നിപ്പിച്ചു.