రుతుచక్రం చుట్టూ అల్లుకున్న మూఢనమ్మకాలు

ఒకవైపు సైన్సుని ఉపయోగిస్తూ ప్రగతి సాధిస్తూనే మరోవైపు మూఢ నమ్మకాలు, దురాచారాలతో మన ఆలోచనల్ని మరింత సంకుచితంగా మార్చేస్తున్నాము...

- - నీరజ్ కుమార్ మిశ్రా

ఒకవైపు సైన్సుని ఉపయోగిస్తూ ప్రగతి సాధిస్తూనే మరోవైపు మూఢ నమ్మకాలు, దురాచారాలతో మన ఆలోచనల్ని మరింత సంకుచితంగా మార్చేస్తున్నాము...

నే ను పురుషుడిని అయినందున మహిళలకు వచ్చే రుతుచక్రం గురించి ఎలాంటి భయం లేదు.కానీ మా అక్కకి జరిగిన 2 సంఘటనలు నా మనసును కుదిపేయటమేగాక స్త్రీలపైన శ్రద్ధ మరింత పెంచాయి.

మా అక్క నా కంటే 5 ఏళ్లు పెద్ద. ఆమె పదో తరగతిలో ఉన్నప్పుడు ఒక రోజు హఠాత్తుగా స్కూలు నుంచి ఇంటికి వచ్చేసింది. ఆమె ముఖంలో రంగు మారిపోయింది. తన కుర్తా వెనుక భాగంలో రక్తపు మరకలున్నాయి. నీళ్లతో కడగటం వల్ల డ్రెస్సు అంతా తడిసిపోయింది.ఏమిటని అడిగితే మాట దాట వేసింది, కానీ అమ్మ నన్ను మందలించి నోర్మూయించింది.

పెద్దయ్యాక నిదానంగా నేను తెలుసుకున్నాను. ఆ రోజు అక్కకు ఏం జరిగిందో అర్థమైంది. ఆ పరిస్థితిని తలచుకుని ఇప్పటికీ వణుకుతుంటాను.

బాల్యంలోని మరో ఘటన గుర్తొస్తోంది.మా అక్క పెళ్లయ్యాక తొలిసారి నేను వారింటికి వెళ్లాను. ఉదయం అక్క నేలపై పడుకొని ఉంది.బావ మంచంమీద ఉన్నాడు. దీని గురించి అక్కని అడిగితే ఆమె సింపుల్గా స్త్రీలకు రుతుచక్రం వచ్చినప్పుడు దూరంగా ఉంచుతారు, కనుక నేలపై పడుకోవాలి అంది.

ఆ సమయంలో తన మాటలు ఎంతో విడ్డూరంగా అనిపించాయి. కానీ నేను మాత్రం ఏమి చేయగలను. అందుకే మౌనం వహించాను.ఇప్పుడైతే పెద్దయ్యాను. కనుక దీని గురించి రాసి మూఢనమ్మకాల్ని సమాప్తం చేయాలి అనుకున్నాను. అందుకే ఈ వ్యాసాన్ని ఇలా మీ ముందుకు తెస్తున్నాను.

సామాన్య ప్రక్రియ

జీవిత చక్రంలో ప్రతి మహిళ నెలసరిని ఎదుర్కోవాల్సి వస్తుంది. ఇది చాలా సాధారణ ప్రక్రియ. కానీ ధార్మికంగా ఈ విషయంలో మహిళల్ని అపవిత్రులుగా చూస్తుంటారు.

రుతుచక్రం వల్ల మహిళ అంటరానిదే అనుకుంటే ఈ ప్రపంచంలోని స్త్రీ పురుషులందరూ అపవిత్రులే. ఎందుకంటే పుట్టేటప్పుడు ప్రతి శిశువు అదే రక్తంతో తడిసి ఉంటుంది.

ఓపెన్ మైండ్తో ఆలోచిస్తే నెలసరి సమయంలో స్త్రీని తన నుంచి వేరుగా ఉంచటం పురుషుని మిథ్యా అహంకారాన్ని పెంచుతుంది.ఇంతకు మించి ఏమీ ఉండదు. దీనికి చాలావరకు హైందవ పురాణాలు కారణమవుతాయి.పురాణాల్లోని ఒక కథ ప్రకారం ఇంద్రుడు తన పాపాల్లో భాగాన్ని స్త్రీలకు ఇచ్చాడట. దీనివల్లే మహిళలకి ప్రతి నెల నెలసరి బాధ ఎదుర్కోవాల్సి వస్తుందని పేర్కొన్నారు.

హార్మోన్స్లో మార్పులు