ఎల్లప్పుడూ యవ్వనంగా, అందంగా ఉండాలంటే

చిన్న వయసులో ఏజింగ్ నుంచి బయట పడడానికి ఈ టిప్స్ మీకు ఎంతో ఉపయోగ పడతాయి.

చిన్న వయసులో ఏజింగ్ నుంచి బయట పడడానికి ఈ టిప్స్ మీకు ఎంతో ఉపయోగ పడతాయి.

కరోనా కారణంగా మనం మన చర్మ  సంరక్షణను నిర్లక్ష్యం చేయడం మొదలుపెట్టాం. ముఖ్యంగా యువత. ‘మనం ఇప్పుడు ఇంట్లోనే ఉండాలి', 'ఎక్కడికీ వెళ్లనవసరం లేదు’, ‘ఎవరూ చూసేవారు లేరు', 'ఎవరినీ కలవనవసరం లేదు'. 'కాబట్టి చర్మాన్ని సంరక్షించుకోకపోతే ఏమవుతుంది' అని వారికి అనిపిస్తుంది. కానీ ఈ ఆలోచన తమ చర్మాన్ని పాడు చేస్తుందని వారికి తెలియదు.

ఫేస్బుక్, ఇన్స్టాగ్రామ్ లేదా ఇంకేదైనా సోషల్ మీడియా ప్లాట్ఫామ్లో ఫిల్టర్స్ సహాయంతో మిమ్మల్ని మీరు అందంగా చూపించుకుని ఇతరుల ప్రశంసలు పొందవచ్చు. కానీ వాస్తవం దీనికి భిన్నంగా ఉంటుంది.అటువంటి పరిస్థితిలో మీరు ఎప్పుడూ యవ్వనంగా ఉండేలా అందమైన చర్మాన్ని పొందాలని అనుకుంటే ముందుగానే జాగ్రత్త వహించండి. లేకపోతే చిన్న వయసులోనూ మీ చర్మం 60 ఏళ్లలాగా కనిపిస్తుంది. కాబట్టి మిమ్మల్ని మీరు యవ్వనంగా ఉంచుకోవడం ఎలాగో తెలుసుకుందాం రండి.

ముడతల సమస్య ఎప్పుడు మొదలవుతుంది

20 ఏళ్ల వయసులో చర్మం నిగనిగలాడుతూ అందంగా ఉంటుంది. ఈ సమయంలో సమస్యలు తక్కువ, ముఖంలో మెరుపు, తేజస్సు, ఆకర్షణ ఎక్కువగా ఉంటుంది. కానీ ఈ వయసులో చర్మంపై నిర్లక్ష్యం వహిస్తే ముఖంపై ఫైన్ లైన్స్తోపాటు ముడతలు కూడా కనిపించడం మొదలుపెడతాయి.

మన చర్మం పైపొరకు మద్దతు ఇచ్చే కొల్లాజన్, ఇలాస్టిన్ ప్రొటీన్ పొరలో లోపం ఏర్పడటం వల్ల ఇవి కనిపిస్తాయి. దీంతో చర్మం తన మాయిశ్చరైజర్, అందాన్ని కోల్పోవడం మొదలు పెడుతుంది. కాబట్టి మీరు ముడతల నుంచి మిమ్మల్ని దూరంగా ఉంచుకోవడానికి చర్మ సంరక్షణతోపాటు ఆరోగ్యకరమైన ఆహారపు అలవాట్లను కూడా అనుసరించడం మరచిపోవద్దు.

టెన్షన్ని దూరంగా ఉంచండి

ప్రస్తుతం ఇంట్లో లేదా బయట ప్రతి చోట ఒత్తిడి వాతావరణం చోటు చేసుకుని ఉంది. ఒకరికి కరోనా మహమ్మారి కారణంగా తమ ప్రియమైన వారిని కొల్పోతామనే భయం ఉంటుంది. ఇంకొకరు తమ కెరీర్ గురించి ఆందోళన చెందుతుంటారు. మరొకరు ఎక్కడ ఉద్యోగం పోతుందేమోనని భయపడుతుంటారు.ముఖ్యంగా యువతీ, యువకులు ఈ విషయంలో చాలా ఒత్తిడిలో ఉన్నారు. ఇది వారి ఆరోగ్యాన్ని చెడగొడుతుంది.