మత సామరస్యం

వివేకానంద స్వామివారు 1893వ సంవత్సరంలో చికాగో నగరంలో జరిగిన విశ్వమంత మహాసభలో పాల్గొన్న శత వార్షికోత్సవాలు ప్రపంచవ్యాప్తంగా భారతీయులు ఘనంగా జరుపుకున్నారు.

- డా॥ పులివర్తి కృష్ణమూర్తి

వివేకానంద స్వామివారు 1893వ సంవత్సరంలో చికాగో నగరంలో జరిగిన విశ్వమంత మహాసభలో పాల్గొన్న శత వార్షికోత్సవాలు ప్రపంచవ్యాప్తంగా భారతీయులు ఘనంగా జరుపుకున్నారు. మానవ చరిత్ర ఒక సంక్లిష్ట దశలో వివేకానందులవారు. ఆ మహాసభలో పాల్గొన్నారు.

ఆనాడు ప్రపంచంలోని పలు ప్రాంతాలు దాదాపు స్వాతంత్య్రంగానే వృద్ధిగాంచాయి. ఒకదానిపై ఒకటి ప్రభావం చూపటం సంభవించినా, వాటి ప్రత్యేక లక్షణాలలో అవి జోక్యం చేసుకోలేద మత సామ చెప్పాలి. విజ్ఞానం పురోభివృద్ధి చెందింది. రాకపోకల వార్తా సౌకర్యాలు అభివృద్ధి చెందాయి. జాతులూ, నాగరికతలూ, దేశాలూ చేరువైనాయి. విభిన్న స్థాయిల్లో అమోఘంగా అది ఒకదానిపై ఒకటి ప్రభావం చూపసాగాయి.ఫలితంగా ఒక సమ్మిశ్రిత నాగరికత పరిణామం చెందేందుకు పునాది పడింది.

ఈ నూతన సమ్మిశ్రిత నాగరికతను వికసింపజేయడానికి ఎందరో మహాపురుషులు భారతావనిలో ఉదయించారు. గత వంద సంవత్సరాల కాలంలో మానవుల్లో బుద్ధి, సాంఘిక, రాజకీయ రంగాల్లో అనూహ్య మార్పులు చోటు చేసుకున్నాయి. ముఖ్యమైన మార్పు, మతం పట్ల ఆధునిక మానవుడి దృక్పథం, అలవిమీరిన సాంకేతికాభివృద్ధి, దానివలన మానవాళికి కలిగే ప్రమాదాలు, విజ్ఞాన శాస్త్ర పరిధుల ఎరుక, విద్యావంతుల దృష్టిని అటు పశ్చిమ దేశాలవారిని ఇటు ప్రాచ్య దేశాల్లోని మతాల వైపు మళ్లించింది.ప్రాచ్య దేశాలవారు తమ ఆర్థికాభివృద్ధికై పశ్చిమ దేశాల విజ్ఞాన, సాంకేతిక రంగాల వైపు తమ దృష్టిని సారించారు.వార్తారంగం ఒక విధమైన ప్రపంచ అవగాహనను, ఆలోచనా సరళిని కల్పించి, ఒక దేశానికీ మరొక దేశానికీ దూరం తొలగించి, దగ్గర చేసింది.ప్రస్తుతం పరిశీలిస్తే ఈ ప్రపంచానికి ఈ జీవితం సంపూర్ణ దర్శనం, యథార్థ్యత, విశ్వజనీన మానవ సమైక్యత ఆవశ్యకాలు. అందుకే విశ్వజనీన మత సిద్ధాంతాన్ని వివేకానంద స్వామి మానవాళికి తెలియజేశారు. 1893లోనే విశ్వమత సభలోనే వివేకానందులవారు ప్రపంచానికి చాటారు. ఎన్నటికైనా విశ్వజనీన మతమనేది దేశకాలాతీతమై అనంతమై ఉండాలి.

కృష్ణుణ్ణి అనుసరించే వారి మీద పాపాత్ముల మీదా, అందరి మీదా తదీయ భానుదీప్తి ప్రసరించాలి. అది బ్రాహ్మణమతంగా, బౌద్ధ, క్రైస్తవ, మహమ్మదీయ మతాలుగాగానీ వుండరాదు. అయినా అభివృద్ధి గాంచడానికి అనంతమైన అవకాశం వుండాలి. ఆ మతంలో హింస, అసహనానికి తావుండదు(కూడదు).