తరిగిపోతున్న అడవులు

'వృక్షోరక్షతి రక్షితః' అన్నారు పెద్దలు. అంటే చెట్లను కాపాడితేనే అవి మనల్ని కాపాడతాయి

- డా॥ఓరుగంటి సరస్వతి

'వృక్షోరక్షతి రక్షితః' అన్నారు పెద్దలు. అంటే చెట్లను కాపాడితేనే అవి మనల్ని కాపాడతాయి. ప్రకృతి సంపద అనేది ఏ ఒక్కరికి ఏ ఒక్కతరానికి చెందినది కాదు అనేది సత్యం. 'చెట్టమ్మా.. చెట్టమ్మా.. పచ్చని చెట్టమ్మా.. నీవులేక మానవ మనుగడ లేనేలేదోయమ్మ' అని ఓ రచయిత అన్నట్లుగా చెట్లు అనగా అడవులు తరిగిపోవడం వలన నేడు మానవ మనుగడ ప్రశ్నార్థకంగా మారుతున్న దుస్థితి. పెరుగుతున్న సంస్కృతికి అనుగుణంగా మారుతున్న జీవనకాల పరిస్థితులపై తరిగిపోతున్న అడవులు ప్రకృతికి అనుకూలతలను సంతరించ లేకపోతున్నాయి. 'ఫారెస్ట్' అనేపదం. 'ఫోరెస్' అనే లాటిన్ పదం నుండి వచ్చింది. ఫోరెస్ అంటే గ్రామం వెలుపలి భాగం. భారత రాజ్యాంగం ఉమ్మడి జాబితాలోని ఏడవ షెడ్యుల్లో అడవులు ఉన్నాయి. 1976 నాటి 42వ సవరణ చట్టం ద్వారా అడవులు, వన్యప్రాణులు, పక్షుల సంరక్షణను రాష్ట్రం నుంచి ఉమ్మడి జాబితాలోకి మార్చారు. రాజ్యాంగం లోని ఆర్టికల్ 51ఎ(జి) ప్రకారం అడవులు, వన్యప్రాణులతో సహా సహజ పర్యావరణాన్ని రక్షించడంతో పాటు పెంచడం ప్రతిపౌరుడి ప్రాథమిక బాధ్యత. రాష్ట్రవిధాన ఆదేశిక సూత్రా ల్లోని ఆర్టికల్ 48ఎ ప్రకారం దేశంలోని అడవులు, వన్యప్రాణు లతో పాటు పర్యావరణాన్ని పరిరక్షించడానికి అడవులు, వన్య ప్రాణులతో పాటు పర్యావరణాన్ని పరిరక్షించడానికి ప్రభుత్వం కృషి చేయాలి. జాతీయ అటవీ విధానం, 1988, పర్యావరణ సామరస్యం, జీవనోపాధిని ప్రధాన అంశంగా కలిగి ఉంది.ప్రస్తుతం భారతదేశంలోని అడవులను కూడా నియంత్రిస్తుంది.అడవులు మానవజాతికి ఎంతో మేలును చేకూర్చే పర్యావరణహితాన్ని కలిగించేవి. దేశం సగటు వార్షిక వర్షపాతం ఆధారంగా భారతదేశంలోని అడవులను సాధారణంగా ఐదువర్గాలుగా విభజించవచ్చు.

అవి: ఉష్ణమండల సతతహరిత అడవులు

తేమతో కూడిన సతత హరిత అడవులు

పాక్షిక సతత హరిత అడవులు

పొడి సతత హరిత అడవులు

2. ఉష్ణమండల ఆకురాల్చే అడవులు (బుతుపవన అడవులు)

-తేమతో కూడిన ఆకురాల్చే అడవులు

-పొడి ఆకురాల్చే అడవులు

-ముళ అడవులు

మోంటేనే అడవులు

మోంటేనే తడి సమశీతోష్ట అడవులు

మోంటేన్ ఉప ఉష్ణమండల అడవులు

హిమాలయ అడవులు

హిమాలయ పొడి సమశీతోష్టస్థితి

ఆలైన్, సబాలైన అడవులు

సముద్రతీర /చిత్తడి అడవులు మొదలైనవి.