కుటుంబ కలహాలు తొలగేదెలా?

పశ్చిమానికి అధిపతి వరుణుడు. పశువులను వృద్ధి చేసే మహాత్మ్యం గల దిక్కు. పశుశాలలు, వాహనాలు మొదలైనవి ఈ దిక్కున శుభ ఫలితాలనిస్తాయి.

వాస్తువార్త

వాస్తు విద్వాన్ సాయిశ్రీ

డా॥ దంతూరి పండరినాథ్

3-2-4, కింగ్స్ వే, సికింద్రాబాద్ 

సెల్స్: 9885446501/9885449458

నైరుతి, దక్షిణ, పశ్చిమాలు బరువులను భరించగల దిక్కులు. ఆయా గోడలకు ఆనుకునే విధంగా ఎంతటి బరువులనయినా వేయవచ్చు.

ఆగ్నేయానికి అధిపతి అగ్ని. అన్నిటినీ తనలో జీర్ణం చేసుకునే మహత్తర శక్తి గలది. ఆ చోట అగ్నిని రగిల్చితే అనుకోని ఆనందకరమయిన సంఘటనలు జరుగుతాయి. ఆగ్నేయంలో అగ్నికి బదులు నీరు వుంటే అనుకోని దుఃఖాన్ని కలిగించే సంఘటనలు జరుగుతాయి. శక్తికి మించిన ఆర్థిక ఖర్చులు మీద పడతాయి. ఆగ్నేయంలో కాక పొయ్యి మరో చోట వుంటే అగ్నిప్రమాదాలు సంభవించే అవకాశాలు ఎక్కువ.

ఉత్తరంలోగానీ, ఈశాన్యంలోగానీ పొయ్యి వుంటే ఇంటి యజమాని క్రమంగా బద్ధకస్తుడై నెమ్మది నెమ్మదిగా నిష్ప్రయోజకుడయ్యే అవకాశాలు అధికం.

ఎమ్. సుధాకర్ - ఖమ్మం

ప్రశ్న: మా ఇల్లు మొదలు పెట్టేవరకు మాకు ఆర్థిక ఇబ్బందులు అసలు లేనేలేవు. అందరం సంతోషంతో వుండేవాళ్లం. కానీ మా ఇల్లు కట్టడం మొదలయిన తర్వాత మా కష్టాలు మొదలయ్యాయి. పస్తులు వుండే పరిస్థితి ఏర్పడింది. కుటుంబ కలహాలు కూడా మొదలయ్యాయి. దీనికి మూలం వాస్తుదోషం అని నా నమ్మకం.