રાજ્યની 51 હજાર આંગણવાડીમાં દર વર્ષે મે માસમાં વેકેશન આપવા માગણી

આંગણવાડી કર્મચારી સંગઠન દ્વારા તીવ્ર ગરમીમાં રાહત મામલે મુખ્યમંત્રી સમક્ષ રજૂઆત ચાલુ વર્ષે પણ 15 દિવસનું પૂર્ણ વેકેશન જાહેર કરવા માટે રજૂઆત કરવામાં આવી

ગુજરાત આંગણવાડી કર્મચારી સંગઠન દ્વારા મુખ્યમંત્રીને પત્ર લખી દર વર્ષે મે માસમાં વેકેશન જાહેર કરવા માટે ભલામણ કરવામાં આવી છે. ઉપરાંત, ચાલુ વર્ષે 15 દિવસનું પૂર્ણ વેકેશન જાહેર કરવા માટે પણ માગ કરવામાં આવી છે.

તાજેતરમાં મહેસાણા જિલ્લાના જગુદણ આરોગ્ય કેન્દ્રમાં સેવા બજાવતા આશા વર્કરનું ગરમીના લીધે મૃત્યુ નિપજ્યા બાદ સંગઠન દ્વારા આ રજૂઆત કરી છે. જેમાં રાજ્યની 51 હજા૨ આંગણવાડીમાં ફરજ બજાવતા 1 લાખ કરતા વધુ વર્કર્સને ગરમીમાં બોલાવવામાં આવતા હોવાના મુદ્દે ઉગ્ર રજૂઆત કરી વેકેશનની માગ કરી છે.