કુવૈતમાં ભ્રષ્ટાચાર વકરતા અમીરે દેશની સંસદને ભંગ કરીઃ વહીવટ હાથમાં લીધો

13 મેના રોજ મળનારી નવી સંસદની બેઠક પહેલા નિર્ણય લેવાયો

કુવૈતના નવા અમીર શેખ મિશાલ અલઅહમદ-અલ-સબાહે દેશની સંસદને ભંગ કરી નાખી છે. આમિરે એક ટીવી ચેનલને આપેલા પોતાના સંબોધનમાં આ બાબતની જાહેરાત કરી હતી. તેમણે કહ્યું કે હું દેશની લોકશાહીનો દુરુપયોગ થવા દઈશ નહીં. આ સાથે તેમણે ચાર વર્ષ સુધી દેશના સરકારી વિભાગોને પોતાના કબજામાં લીધા છે અને ઘણા કાયદાઓ પણ રદ કર્યા છે. જણાવી દઈએ કે અમીર કુવૈતનું સર્વોચ્ચ પદ છે.