NRI-NRG ફોર મોદી, કાર રેલીમાં 100 કાર અમદાવાદથી નવસારી જશે

સાબરમતી રિવરફ્રંટથી શરૂ થયેલી રેલીનું સી.આર.પાટીલ સુરતમાં સમાપન કરાવશે લોકોમાં મતદાનની જાગૃતિ માટે NRI-NRG લગભગ 8 લોકસભાની બેઠકમાં પ્રચાર કરશે

દેશમાં લોકસભાની ચૂંટણી માટે મતદાનની પ્રક્રિયા ચાલી રહી છે ત્યારે ગુજરાતમાં ઇલેક્શન ટુરિઝમ પણ ડેવલપ કરવામાં આવ્યું છે. વિદેશમાં વસતા NRI-NRG દ્વારા ‘NRI-NRG ફોર મોદી કાર રેલી'નું આયોજન કરવામાં આવ્યું છે. જેમાં 100થી વધુ કારમાં વિદેશમાં વસતા દેશના નાગરિકો પ્રચારમાં જોડાશે. અમદાવાદ સાબરમતી રિવટથી રેલીને સવારે આઠ વાગ્યે પ્રસ્થાન કરાવવામાં આવશે. જે રેલી રાત્રે સુરત પહોંચશે અને ભાજપ પ્રદેશ પ્રમુખ સી.આર.પાટીલ તેનું સમાપન કરાવશે. ગાંધીનગર લોકસભાની હદમાંથી શરૂ થનારી NRI-NRG ફોર મોદી રેલી નવસારી લોકસભાની હદમાં પૂરી થશે.