તમિળનાડુના રાજ્યપાલનો ડીએમકેના નેતાને મંત્રી તરીકે નિમવાનો ઈનકાર

રાજ્ય સરકારે ગવર્નરના નિર્ણય વિરુદ્ધ સુપ્રીમ કોર્ટમાં અપીલ કરી

તમિળનાડુના રાજ્યપાલ આર.એન.રવિ દ્વારા શાસક પક્ષ ડીએમકેના વરિષ્ઠ નેતા કે. પોનમુડીને રાજ્યની કેબિનેટમાં મંત્રી તરીકે નિમવાના ઈનકારનો મામલો સુપ્રીમ કોર્ટમાં પહોંચ્યો છે.

સુપ્રીમ કોર્ટના ચીફ જસ્ટિસ ડી.વાય.ચંદ્રચુડ, જે.બી. પારડીવાલા તથા મનોજ મિશ્રાની બેન્ચે આ મામલે ઝડપી સુનાવણી કરવાની રાજ્ય સરકારના વકીલ અભિષેક મનુ સિંઘવીની રજૂઆતની નોંધ લીધી હતી.