પાકિસ્તાનના હુમલામાં ઉધમપુર, પઠાણકોટ અને ભૂજ એરબેઝને નુકસાનઃ ભારતનો સજ્ડ જવાબ

બ્રહ્મોસ ફેસિલિટી પર હુમલાનો પાકિસ્તાનનો દાવો સાવ ખોટો

- 

પાકિસ્તાન સતત હુમલા કરી રહ્યું છે અને તણાવ વધી રહ્યો છે ત્યારે વિદેશ મંત્રાલયે ચોથા દિવસે પ્રેસ કોન્ફરન્સ કરીને વિસ્તૃત માહિતી આપી હતી. વિદેશ સચિવ વિક્રમ મિસરી, આર્મીનાં કર્નલ સોફિયા કુરેશી અને એરફોર્સનાં વિંગ કમાન્ડર વ્યોમિકા સિંહે જણાવ્યું હતું કે શુક્રવારની રાત અને આજે વહેલી સવાર સુધી પાકિસ્તાને સતત ડ્રોન અને મિસાઇલ છોડીને ભારત પર હુમલો કરવાનો પ્રયાસ કર્યો હતો, જેને ભારતીય સેનાએ નિષ્ફળ બનાવ્યો છે.

કર્નલ સોફિયા કુરેશીએ જણાવ્યું હતું કે પાકિસ્તાન સતત ભારત પર મિસાઇલોથી હુમલા કરી રહ્યું છે. તેણે આજે સવારે હાઈસ્પીડ મિસાઇલ છોડીને ઉધમપુર, પઠાણકોટ, આદમપુર અને ભૂજ એરબેઝ પર એકસામટા હુમલા કર્યા હતા, જેમાં આપણને ઘણું નુકસાન થયું છે. ભારતીય સેનાએ પાકિસ્તાનના દરેક હુમલાનો જડબાતોડ જવાબ આપ્યો છે અને ભવિષ્યમાં દરેક નાપાક હ૨કતને આ રીતનો જવાબ મળશે.