ખોખરામાં લઠ્ઠાકાંડની અફવાથી અફરાતફરીનો માહોલઃ પોલીસ પણ દોડતી થઈ

એક યુવકનું શંકાસ્પદ મોત થયા બાદ સમગ્ર વિસ્તારમાં રાતોરાત દારૂ-જુગારના અડ્ડા ટપોટપ બંધ થઈ ગયા

લઠ્ઠાકાંડનું નામ પડે એટલે પોલીસના શ્વાસ અધ્ધર થઇ જતા હોય છે ત્યારે આવું જ કાંઇક ગઇ કાલે બન્યું હતું. અમરાઇવાડીના ખોખરામાં લઠ્ઠાકાંડ થયો છે તેવી માહિતી મળતાંની સાથે જ પોલીસ ટેન્શનમાં આવી ગઇ હતી. ખોખરામાં એક યુવકનું શંકાસ્પદ મોત થયું હતું, જેના કારણે પોલીસ દોડતી થઇ ગઇ હતી. યુવકનું મોત કુદરતી થયું છે કે દેશી દારૂ પીવાથી તેનો ઘટસ્ફોટ પોસ્ટમોર્ટમ રિપોર્ટ બાદ સામે આવશે, પરંતુ હાલ પોલીસે અમરાઇવાડી અને ખોખરા વિસ્તારમાં દારૂના તમામ અડ્ડાઓ ટપોટપ બંધ કરાવી દીધા છે.