અમદાવાદમાં ૧૩.૮ ડિગ્રી ઠંડી છે.

સમગ્ર ગુજરાત કડકડતી ઠંડીમાં ઠૂંઠવાયું

માગશર અને પોષ એ મહિના સામાન્ય રીતે કડકડતી ઠંડીના ગણાય છે, જે પૈકી માગશર મહિનાની વિદાય આડે હવે ગણતરીના દિવસો જ રહ્યા છે. એટલે સ્વાભિવકપણે પ્રકૃતિના નિયમ મુજબ આ મહિનામાં કડકડતી ઠંડીનું સામ્રાજ્ય ફેલાઈ જવું જોઈએ. જોકે, અલ નિનોની અસરના કારણે ગયો ડિસેમ્બર મહિનો ગરમ નીવડ્યો હતો અને જાન્યુઆરીમાં રહી રહીને ઠંડીએ માથું ઊંચક્યું છે. ખાસ કરીને છેલ્લા બે દિવસથી અમદાવાદ સહિત સમગ્ર ગુજરાતમાં કાતિલ ઠંડીનું જોર વધી ગયું છે. અમદાવાદની વાત કરીએ તો, શહેરમાં આજે ગઈ કાલ કરતાં ઠંડીની તીવ્રતા વધુ અનુભવાઈ હતી. આજે શહેરીજનો ૧૩.૮ ડિગ્રી સેલ્સિયસ ઠંડી પડતાં ૨ીતસ૨ના ઠૂંઠવાઈ ગયા હતા.