દિવાળી સુધીમાં રિવરફ્રન્ટ ફેઝ-2ના લોઅર પ્રોમિનોડ પર લટાર મારી શકાશે

આ સાબરમતી રિવરફ્રન્ટના ફેઝ-ટુના આ પાઇલટ પ્રોજેક્ટ હેઠળ ૯૫ ટકા કામગીરી આટોપાઈ ગઈ

અમદાવાદ, શનિવાર

મ્યુનિસિપલ કોર્પોરેશનના સત્તાવાળાઓ દ્વારા સાબરમતી રિવરફ્રન્ટને નયનરમ્ય બનાવાયો છે. એક સમયે જે સાબરમતી ચોમાસા દિવસોમાં સૂકીભઠ રહેતી હતી નદી સિવાયના રિવરફ્રન્ટ ત્યાં સાબરમતી ડેવલપમેન્ટ પ્રોજેક્ટ હેઠળ કરોડો રૂપિયાના ખર્ચે વિવિધ વિકાસકામો હાથ ધરાઈ રહ્યાં હોઈ બારે માસ નદીમાં પાણી વહી રહ્યાં છે. સાબરમતી નદી વોટર એક્ટિવિટિઝ અને ક્રૂઝથી વધુ સોહામણી બની છે. રિવરફ્રન્ટ પ્રોજેક્ટ સતત આગળ ધપી રહ્યો હોઈ આગામી દિવાળી સુધીમાં શહેરીજનો શાહીબાગ ડફનાળાથી કેમ્પ સદરબજાર સુધીના લોઅર પ્રોમિનોડ પર લટાર મારતા થઈ જશે.

સાબરમતી નદીમાં બારે મહિના પાણી રહે અને તેના પૂર્વ અને પશ્ચિમ એમ બંને કાંઠાનો વિકાસ થાય તે દિષ્ટએ સાબરમતી રિવરફ્રન્ટ ડેવલપમેન્ટ પ્રોજેક્ટ તૈયાર કરાયો છે.

મ્યુનિ. તંત્રના સાબરમતી પ્રોજેક્ટને દેશ વિદેશમાં ભારે પ્રશંસા મળી ચૂકી છે અને તેના આધારે ગુજરાત સહિત દેશનાં અન્ય શહેરોમાં ડેવલપમેન્ટ આવેલી નદીના કિનારે નવા નવા ના પ્રોજેક્ટ બની રહ્યા હોઈ આ બાબતમાં અમદાવાદીઓ માટે ગૌરવ આપનારી છે.