പായും പുലി

ലക്ഷ്യം ലോകകപ്പ് മാത്രം

ദോഹ: ലോകകപ്പ് മാത്രമാണു തന്റെ ലക്ഷ്യമെന്നു ഫ്രഞ്ച് സൂപ്പർ താരം കിലിയൻ എംബാപ്പ. ഗോൾഡൻ ബൂട്ട് വിദൂര സ്വപ്നങ്ങളിൽ പോലുമില്ല. താൻ സ്വപ്നം കാണുന്നത് ലോകകപ്പ് മാത്രമാണ്.

ഗോൾഡൻ  ബോളോ ഗോൾഡൻ ബൂട്ടോ നേടാനല്ല ഖത്തറിലെത്തിയതെന്നും എംബാപ്പ പറഞ്ഞു.

പോളണ്ടിനെതിരായ പ്രീ ക്വാർട്ടർ മത്സരത്തിനു ശേഷം സംസാരിക്കുകയായിരുന്നു അദ്ദേഹം.

പോളണ്ടിനെതിരായ മത്സരത്തിൽ രണ്ടു ഗോളടിച്ചതോടെ പല റെക്കോഡുകളും യുവ സ്ട്രൈക്ക്ക്കറിന്റെ പേരിലായി. ഫ്രഞ്ച് ദേശീയ ടീമിനെ സഹായിക്കാൻ ഇവിടെയുണ്ടാകുമെന്നും എംബാപ്പ പറഞ്ഞു. ഈ ലോകകപ്പിൽ അഞ്ചു ഗോളുകളുമായി എംബാപ്പെ ടോപ് സ്കോററായി. ഫ്രാൻസിന് ആയി രണ്ടു ലോകകപ്പുകളിൽ നാലോ അതിലധികമോ ഗോളുകളടിക്കുന്ന ആദ്യ താരമെന്ന് റെക്കോഡ് എംബാപ്പ സ്വന്തമാക്കി.