വിമാനത്തിലെ പ്രതിഷേധക്കാർക്ക് എതിരേ വധശ്രമത്തിനു കേസ്

“നിന്നെ ഞങ്ങൾ വച്ചേക്കില്ലെടാ” എന്നാക്രോശിച്ച് പാഞ്ഞടുത്തതായി എഫ്.ഐ.ആർ.

തിരുവനന്തപുരം: വിമാനത്തിൽ മുഖ്യമന്ത്രിക്കെതിരായി മുദ്രാവാക്യം മുഴക്കിയ യൂത്ത് കോൺഗ്രസ് പ്രവർത്തകർക്കെതിരേ വധശ്രമം അടക്കമുള്ള കുറ്റങ്ങൾ ചുമത്തി വലിയതുറ പോലീസ് കേസെടുത്തു. മുഖ്യമന്ത്രിയുടെ ഗൺമാൻ അനിലിന്റെ പരാതിയുടെയും ഇൻഡിഗോ വിമാനക്കമ്പനിയുടെ ഗ്രൗണ്ട് മാനേജരുടെ കത്തിന്റെയും അടിസ്ഥാനത്തിലാണു കേസെടുത്തത്. ക ണ്ണൂർ ക്രൈംബ്രാഞ്ച് എ സ്.പി. പ്രജീഷ് തോട്ടത്തിലിലിന്റെ നേതൃത്വത്തിലു അന്വേഷണത്തിനു ക്രൈംബ്രാഞ്ച് എ.ഡി.ജി.പി. മേൽനോട്ടം വഹിക്കും.