வளர்ச்சி திட்டப்பணிகளை ஆட்சியர் ஆய்வு

ஈரோடு மாவட்டம், புஞ்செய்புளியம்பட்டி, சத்தியமங்கலம், பவானிசாகர் ஆகிய பகுதிகளில் நடைபெற்றுவரும் வளர்ச்சித் திட்டப்பணிகள் மாவட்ட கண்காணிப்பு அலுவலர் பிற்படுத்தப்பட்டோர் நலத்துறை ஆணையர் வெங்கடேஷ், மாவட்ட ஆட்சித்தலைவர் ராஜ கோபால் சுன்கரா முன்னிலையில் நேரில் சென்று பார்வையிட்டு ஆய்வுமேற்கொண்டார்.

இந்த ஆய்வின்போது, மாவட்ட கண்காணிப்பு அலுவலர் பிற்படுத்தப்பட்டோர் நலத்துறை ஆணையர், புஞ்செய்புளியம்பட்டி நகராட்சி வார்டு எண் 18, ராமநாதபுரம் பகுதியில் கட்டப்பட்டுவரும் மேல்நிலை நீர்தேக்கத் தொட்டி பணியினை நேரில் சென்று பார்வையிட்டு, ஆய்வு மேற்கொண்டார்.

தொடர்ந்து, புஞ்செய்புளியம்பட்டி நேருநகர் ஊராட்சி ஒன்றிய நடுநிலைப் பள்ளியில், எண்ணும் எழுத்தும் திட்டத்தின் கீழ் மாணவ, மாணவியர்களின் வாசிப்பு மற்றும் கற்றல் திறன் குறித்து நேரில் சென்று பார்வையிட்டு ஆய்வு மேற்கொண்டார், மாணவர்களுடன் கலந்துரையாடினார்.