ગર્લફ્રેન્ડ માટે બર્ગર મંગાવ્યો, મિત્રએ ઉઠાવીને જીવ લીધો

બર્ગર બન્યો હત્યાનું કારણ! અધિકારીએ કહ્યું, ‘અમે આરોપીની ધરપકડ કરી લીધી છે અને ટ્રાયલ પૂર્ણ થાય ત્યાં સુધી તે જેલમાં છે'

પાકિસ્તાનના કરાચી શહેરમાંથી એક વિચિત્ર કિસ્સો સામે આવ્યો છે. અહીં એક નિવૃત્ત વરિષ્ઠ પોલીસ અધિકારીના પુત્રએ સેશન જજના પુત્રની હત્યા કરી હતી. વિવાદનું કારણ એક બર્ગર હતું જે પોલીસ અધિકારીના પુત્રએ તેની ગર્લફ્રેન્ડ માટે મંગાવ્યું હતું. જજના ૧૭ વર્ષના પુત્રએ અડધું બર્ગર ખાધું હતું, જેના કારણે તેની હત્યા કરવામાં આવી હતી.પોલીસે બુધવારે માહિતી આપી હતી કે આ ઘટના ૮ ફેબ્રુઆરીએ કરાચીના પોશ વિસ્તાર ડિફેન્સ હાઉસિંગ ઓથોરિટી માં બની હતી.